Tiara

Saka Wikipédia Jawa, bauwarna bébas abasa Jawa
Jump to navigation Jump to search
Paus Innocent III (1198-1216) ngagem tiara kepausan, Fresko ingkloister Sacro Speco, nalika taun 1219.

Tiara (saking basa Latin: tiara, saking basa Ancient Greek: τιάρα, kanthi sumber saking basa ingkang langkung sepuh Cithakan:Lang-peo) punika kalebet salah satunggal saking jinising mahkota. Istilah punika tumuju ing kalih jinis mahkota. Kanthi tradhisional, "tiara" tumuju ing mahkota ingkang inggil, asring wujud wujud tabung ingkang lanchip wonten ing pérangan pucukipun ingkang dipundamel saking kain utawi kulit sarta dipunhiasi mawi pola hias ingkang raya lan kaya. Mahkota punika dipun-ginakaken déning raja lan kaisar nalika peradapan purba ing Mesopotamia. Bangsa Asiria nambahaken sungu (tandhuk) banthèng minangka mahkota. Tiara wonten ing mahkota Kamaharajan Pèrsi langkung mirib kaliyan kerucut ingkang kapotong tanpa tandhuk utawi wulu, nanging dipunhiasi langkung kathah permata mawi kerucut alit wonten ing pucukipun.

Tiara kapausan[besut | besut sumber]

Tiara Paus Pius XI

Wonten ing Gréja Katulik Roma, Tiara Kepausan inggih punika topi inggil ingkang dipunubengi déning tigang mahkota kasusun ingkang nyangga bola donya mawi pucuk ing salib. Mahkota punika naté dipunagem [[Paus (Katulik Roma)|Paus) nalika upacara tartamtu, minangka lambang otoritas lan kekuwaosan. Saking Paus Paulus VI nyingkiraken tiaranipun nalika Konsili Kaping Kalih Vatikan, Tiara kepausan boten naté dipun-ginakaken malih. Paus Benediktus XVI malah ngicalaken tiara saking lambang kepausanipun nggantos kaliyan mitra (nanging lambang tiara kanthi susun tiga punika taksih dipun-ginakaken wonten ing Lambang Vatikan).

Tiara karajan[besut | besut sumber]

Ratu Alexandra saking Denmark (tengen) ngagem Tiara Kokoshnik Rusia, kaliyan putrinipun Putri Louise (kiwa) ngagem Tiara Fife lan ibunipun Suri Louise (tengah), sadaya ngagem Tiara.

Ratu Elizabeth II dipunsebat bilih gadhah koleksi tiara ingkang paling kathah lan paling berharga wonten ing donya. Kathahipun punika pusaka Karajan Inggris. Kadang kala piyambakipun ngagem tiara nalika wonten ing adicara mirunggan.

Tiara sanèsipun[besut | besut sumber]

Ing jaman sapunika tiara sampun saged dipunagem déning rakyat kathah. Sanajan kala rumiyin namung kénging dipunagem déning para bangsawan, para raja, lan para ratu. Sapunika Pengantèn èstri ugi saged ngagem tiara minangka péranganing rasukan ingkang dipun-ginakaken nalika adicara mantènan [1]. Tiara ugi dipun-ginakaken minangka lambang ingkang dados jawara wonten ing kontès kasulistyan kados wonten ing adicara Miss Universe, Miss World, Putri Indonésia lan Miss Indonésia [2].

Cathetan suku[besut | besut sumber]

  1. ^ Mahkota Keanggunan, (dipunakses tanggal 27 Fèbruari 2013)
  2. ^ Tiara, (dipunakses tanggal 27 Fèbruari 2013)

Pranala njawi[besut | besut sumber]