Taman Nasional Guadarrama

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Taman Nasional Guadarrama
IUCN kategori II (taman nasional)
Circo y cima de Peñalara1.JPG
Puncak Peñalara lan laguna glasier Peñalara
PernahSierra de Guadarrama (Castile lan Leon lan Community of Madrid, Spanyol)
Koordhinat40°47′N 3°59′W / 40.783°N 3.983°W / 40.783; -3.983Koordhinat: 40°47′N 3°59′W / 40.783°N 3.983°W / 40.783; -3.983
Laladan339.60 km²
DikukuhakéJuni 26, 2013 (2013-06-26)
Bebadan pamaréntahanMentri Lingkungan Hidup Spanyol
Watu granit ing taman nasional sing diajokaké.

Taman Nasional Siérra de Guadarrama (ing Basa Spanyol: Parque Nacional de la Sierra de Guadarrama) iku taman nasional ing Sepanyol, jembaré 34.000 héktar, gedhé dhéwé kalima ing sistem taman nasional Sepanyol. Pagunungan Guadarrama (Sistema Central) ngandhut sawetara laladan kang sugih ékologiné, mapan ing Komunitas Madrid lan Castile-Leon (provinsi Segovia lan Ávila). Laladan iki dimupakati minangka taman nasional diterbitaké ing BOE ing Juni 26, 2013 (2013-06-26).[1]

Ékologi[besut | besut sumber]

Proyèk kuwi kanggo njaga sewelas jinis ékosistem saiki ing gunung-gunung Guadarrama, uga kalebu siji-sijiné gunung kang dhuwur Meditérania. Kabéh ana luwih saka 1.280 spésies ing daérah sing nembé waé didadèkaké taman nasional, lan ana 13 spésiés saka gunggung spésiés kalebu bebaya cures, luwih saka 1.500 tetanduran asli lan 30 macem végetasi. Spésiés kéwan ing gunung-gunung iki makili 45% saka gunggung kéwan Sepanyol lan 18% saka kéwan Éropah. Végetasi kang ana ya iku pinus scots, oak, juniper, oak lan piorno, lan akéh spésiés liyané. Kéwané, ana akéh mamalia kayata kidang (abang, roe, lan fallow), cèlèng, wedhus, sawetara mustelidaes, kucing, rubah, lsp.; akéh spésiés saka manuk waterfowl ing tlaga, lan raptor gedhé kaya elang Spanyol utawa Manuk nasar Éurasia. Nembé waé, kawanan srigala ditemokaké ing taman sawisé 70-taun ora ketemu ing laladan kuwi.

Sujarah usaha kanggo ngrancang taman iki[besut | besut sumber]

Masarakat panjat gunung Peñalara ngajokaken ing taun 1920-an yèn pagunungan Guadarrama (ing Basa Sepanyol: Sierra de Guadarrama) kudu didadèkaké taman nasional. Proyèk iki kudu ditahan nganti awal abad 21, nalika Komunitas Madrid nguripké proyèk iki. Ing ora anané tetapan dadi taman nasional, sawetara wilayah saka pagunungan kuwi padha diwènèhi pangayoman liya:

  • Wiwit 1984 El Escorial wis dilindhungi dadi Sana Warisan Donya (Biara saka San Lorenzo de El Escorial lan Alam Sakcedhaké).
  • Ana taman alam, Taman Alam Peñalara, ditetepaké ing taun 1990. Taman alam kang dumadi laladan rawa kanggo papan uripé amfibi, lan ing 2006 iki padha ditetepaké dadi situs Ramsar, Humedales del Macizo de Peñalar. Taman alam iki ing wates saka Wilayah Pangayoman Khusus kanggo manuk.
  • Ana taman daérah (Parque Regional de la Cuenca Alta del Manzanares), kang digawé ing taun 1980-an. Laladan sing kalebu taman daérah iki ya iku, basin Kali Manzanares bagian dhuwur, ditetepaké ing 1992 dadi cadhangan biosphere (Cuenca Alta del Río Manzanares).[2]

Minangka diajokaké ing awal abad 21, taman iki bakal dadi paling gedhé kepapat ing Spanyol. Ing taun 2006, taman iki arep karan taman nasional.[3] Rencana kanggo bagéan saka taman nasional kalebu ing wates saka Komunitas Madrid iki disetujoni ing Novèmber 2006.

Rencana ing Castile lan Leon[besut | besut sumber]

Otonomi masyarakat Castile lan Leon sarujuk ing panambahan bagéan saka sawijining wilayah ing taman nasional sing diajokaké, nanging nelat ing nggawé rencana kuwi katon ing awal 2008 yèn proyèk iki diliwaraké. Kacarita ing terbitan yèn Castile lan Leon lagi nyuda cacahing pandhudhuk sing gawé pamaréntah daérah wegah matesi pembangunan ing wilayah sing menarik kanggo pengembang amarga cedhak karo kutha krajan Spanyol. Nanging, nyuda cacahing pandhudhuk dudu jlèntrèh resminé saka mandheké urusan taman (sanadyan pamaréntah daérah nyebut nyuda cacahing pendhudhuk dadi alesan kanggo nyengkuyung pembangunan sing sugih ékologiné ing panggonan liya ing otonomi masarakat, kayata San Glorio). Alesan sing diwènèhi masarakat kanggo mandheké urusan taman nasional iku kanggo nglindhungi kapentingan cara "tradhisional" nganggo tanah, kalebu penebangan komèrsial kang dilarang ing taman nasional Spanyol.[4] Ana tandha yèn Castile lan Leon luwih milih sawijining sisih pagunungan bakal diwènèhi pangayoman sing luwih ngisor tingkaté saka pangayoman sing diwènèhake déning status taman nasional (kayata taman alam, utawa "taman daérah").

Nanging, ing taun 2009 Castile lan Leon njlentrehaké yèn bakal sarujuk rencana kanggo taman nasional ing 2010, tur digawé ksnthi luwih cilik, lan jadual iki wis tumèmplèk. Komunitas Madrid nggawé usulan sing padha kanggo taman sing digawé luwih cilik (pirsani ing ngisor).

Rencana ing Komunitas Madrid[besut | besut sumber]

Ing pungkasan taun 2008, Komunitas Madrid ngajokaké kanggo ngurangi jembaré bagéan Madrid saka taman nasional, kasebut kawigatèn cara "padatan" nganggo lemah kang bisa diwatesi déning paugeran perencanaan.[5] Prèsiden saka Masarakat Madrid, Esperanza Aguirre, nyengkuyung yèn cara padatan iku statègi konservasi paling becik, lan dhèwèké nyebut paternakan, migunakaké gunung, lan alas minangka pérangan saka pagunungan. Aguirre sabanjuré nyebut yèn dhèwèké nganggep mburu lan mancing kuwi ing klompok sing padha.

Aguirre nyaranaké yèn laladan sing bakal dijaga ora suda ing ukuran, nanging tingkat pangayomané laladan kang bakal disuda.[6] Lalaldan taman nasional lumrahé bakal munjer ing puncaké. Èrèngé gunung didatarké, bakal akèh kalodangan kanggo ngyasa omah ing pagunungan kuwi. Usulan-usulan sing luwih rinci ditulis ing 2009, lan nampa tanggepan becik saka municipios, kanggo nambah lakuné urbanisasi.

Waca uga[besut | besut sumber]

Rujukan[besut | besut sumber]

  1. (ing basa Spanyol) Boletín Oficial del Estado (2013-06-26). LEY 7/2013, de 25 de junio, de declaración del Parque Nacional de la Sierra de Guadarrama (PDF) (Report). Gobierno de España. Dijupuk 2013-06-27. 
  2. Biosphere Reserve Information
  3. (ing basa Spanyol) Aguirre presenta el proyecto del futuro Parque Nacional de la Sierra de Guadarrama ("Presentation of the future Guadarrama National Park") 8 February 2006, Press report from ElMundo.es, website of the Spanish newspaper El Mundo
  4. (ing basa Spanyol) "El ladrillo contra la sierra de Guadarrama" 18 February 2008, El País
  5. (ing basa Spanyol) "Aguirre recorta 14.000 hectáreas al parque nacional de Guadarrama" 24 October 2008, El País
  6. (ing basa Spanyol) Aguirre defiende la tala, la pesca y la caza en parques naturales 7 November 2008, El Páis

Pranala njaba[besut | besut sumber]