Taman Nasional Alejandro de Humboldt

Saka Wikipédia Jawa, bauwarna bébas abasa Jawa
Taman Nasional Alejandro de Humboldt
Taman Nasonal Alejandro de Humboldt
Situs Warisan Donya UNESCO
Pernah Kuba Edit this on Wikidata
Laladan 7,068 km2 (7.608×1010 sq ft)
Paugeran ix, x[1]
Rujukan [[2] 839]
Koordhinat 20°27′29″N 74°54′00″W / 20.4581°N 74.9°W / 20.4581; -74.9
Prasasti 2001 (Sèsi ke-25)

Parque Nacional Alejandro de Humboldt inggih punika sawijining taman nasional wonten ing provinsi Holguín lan Guantánamo, Kuba. Taman punika dipunsukani nama sasampuning ilmuwan Jerman, Alexander von Humboldt ingkang ngunjungi pulo mau rikala taun 1800 lan 1801. Taman punika kaserta minangka Situs Warisan Donya UNESCO wonten ing taun 2001 kanggé ukuran, kisaran kainggilan, litologi komplèks, keragaman wujud lahan, sarta kasugihan flora lan faunaendemikipun.

Kali-kali ingkang ngalir saking pucuk taman inggih punika sapérangan ingkang paling ageng wonten ing insuler Karibia. Taman punika dipunngendikakaken minangka papan ingkang paling lembab ing Kuba[3] saèngga situs punika gadhah keanékaragaman hayati ingkang inggil. Taman punika kagungan wiyar wewengkon 711.38 km2 (274.67 sq mi)l[4] kanthi wiyar lahan 685.72 km2 (264.76 sq mi) lan wewengkon laut 22.63 km2 (8.74 sq mi). Inggilipun sakitar wonten ing 1,168 m (3,832 ft) saking lumah laut ing Puncak El Toldo.

Sajumlah 16 saking 28 spésies taneman endemik Kuba dipunlindungi wonten ing taman punika kalebet fauna kados Dracaena cubensis lan Podocarpus ekman. Fauna ingkang wonten ing taman punika nyakup manèka spésies manuk beo, kadal, manuk kolibri, Solenodon Kuba langka (endemik), hutia lan siput.

Sajarah[besut | besut sumber]

Taman Nasional Alexander von Humboldt kanthi historis minangka kawasan ingkang sakedhik dipun-ginakaken déning manungsa, kanthi namung satunggal satu situs arkéologi saking periode pra-Columbus ingkang dipunmangertosi, punika dumunung wonten ing zona pasisir Aguas Verdes. Sadanguning abad kaping 18 lan 19 sapérangan papan periferal dipun-ginakaken minangka papan perlindungan utawi kamp déning bangsa Maroon.

Taman punika wiwit dipuntata wonten ing taun 1960 lumantar deklarasi Jaguani lan cagar alam Cupeyal del Norte. Bab punika kalajengaken dhateng taun 1980-an lumantar usulan Ojito del Agua Refuge, kagayut kaliyan penampakan pungkasan saking Carpintero real, sajinis pelatuk, sisa-sisa pungkasan saking spésies punika ingkang sampun cures wonten ing habitat sanèsipun ing Amérika Sarékat lan Meksiko. Wonten ing taun 1996, laladan-laladan ingkang dipunlindungi manunggal kanggé mbentuk sawijining Taman Nasional ingkang dipunparingi nama sasampuning Alexander von Humboldt. Dados salah satunggaling cagar biosfer ingang paling wigati wonten ing basin Karibia, Taman Nasional punika sesarengan kaliyan Cuchillas del Toa dipunnyatakaken minangka Situs Warisan Alam Donya UNESCO wonten ing taun 2001.

Cathetan suku[besut | besut sumber]

  1. ^ http://whc.unesco.org/en/list/839.
  2. ^ http://whc.unesco.org/en/list/839
  3. ^ Radio Habana. "Parque Nacional Alejandro de Humboldt". Diarsip saka sing asli ing 2007-10-05. Dijupuk 2013-03-17.  (ing basa Spanyol)
  4. ^ National Protected Areas System of Cuba (2005). "Protected Areas". Dijupuk 2013-03-17. 

Koordhinat: 20°27′N 75°00′W / 20.450°N 75.000°W / 20.450; -75.000 (Alejandro de Humboldt National Park)