Tépo

Tambah pranala
Saka Wikipédia Jawa, bauwarna mardika basa Jawa
Aksara Latin
      
Tépo
Tépo diwungkus godhong gedhang
Jeneng liyanéTépo tahu
AjanganMangan utama
Panggonan asalIndonésia
Tlatah utawa prajaKabupatén Ngawi, Kabupatén Magetan lan sakiwa tengené
Hawa ajanganAdhem
Woworan pokokTahu
Buku masakan: Tépo  Médhia: Tépo

Tépo ya iku panganan kas saka kabupatèn Ngawi, Jawa Wétan arupa sajinis kupat tahu ananging mèmper tahu gimbal. Olahan iki bahan dhasaré ya iku tépo, tahu, témpé sing digorèng lan ana uga sing ditambahi endhog dadar. Tépo mèmper karo lontong ananging bentuké beda lan luwih lembut rasané. Menawa lonthong iku wujudé lonjoran tabung dawa, ananging tépo wujudé prisma segi papat.[1] Tépo disajèkaké karo duduh kécap sing kenthel. Ananging ing tlatah Magetan, duduh tépo luwih cuwèr.[2] Duduh kécap iki rasané legi , jumbuh karo rasa tépo sing gurih. Bakul tépo bisa ditemoni ing pinggir dalan.[3] Tépo uga dadi panganan menawa ana adicara kaya ta arisan kaluwarga, kumpulan warga, lan dipangan bareng minangka mangan awan nalika mangsa tandur pari.

Cara nggawé[besut | besut sumber]

Cara nggawé tépo iki kagolong gampang ya kuwi:

Tépo[besut | besut sumber]

  • Beras 3 gelas
  • Godhong gedhang
  • Biting
  • Banyu umub

Woworan[besut | besut sumber]

Sambel[besut | besut sumber]

  • 2 bawang
  • Lombok miturut kasenengan
  • Uyah sacukupé
  • Kécap
  • Panyedhep
  • Lenga panas

Ngolah[besut | besut sumber]

  1. Kumbah beras nganti resik
  2. Bentuk godhong gedhang dadi prisma
  3. Isèkaké beras menyang wadhah godhong gedhang
  4. Lempit lan pasangaké biting
  5. Cemplungaké ing banyu umub lan tutup.
  6. Entèni 2 jam nganti banyuné rada asad sinambi diwolak-walik.
  7. Sabubaré mateng, entas lan diangin-anginaké supaya adhem.
  8. Rajang témpé lan tahu dadi kothak-kothak lan gorèng ing lenga panas.
  9. Entas nalika wis mateng.
  10. Rajang kubis lan slèdri.
  11. Uleg bahan sambel ing lèmpèr nganti lembut.
  12. Sabubaré lembut, digrujug lenga panas.
  13. Piring dimlumahaké lan iris-iris kupat.
  14. Tambahaké tahu lan témpé.
  15. Wènèhi kubis lan thokolan.
  16. Suntak sambel ing dhuwuré.
  17. Kepyuri slèdri ing dhuwuré.
  18. Tépo wis bisa disajèkaké lan ditambah krupuk.[5]

Kapustakan[besut | besut sumber]

  1. ↑ abellacitra. "[COC Regional: Makanan Tradisional] Wajib Coba, Tepo Tahu Legendaris Khas Kota Ngawi". KASKUS. Dibukak ing 2020-07-31.
  2. ↑ Prodjo, Wahyu Adityo (2018-06-22). "Tahu Tepo, Kuliner Ngawi Berkuah Asam Pedas Manis Wajib Coba". Kompas. Dibukak ing 2020-04-09.
  3. ↑ "Tepo Tahu Makanan Tradisional Dari Ngawi, Jawa Timur". Dibukak ing 2020-04-09.
  4. ↑ "Resep Tepo Kecap, Kuliner Khas Ngawi Tempat Kelahiran Mendiang Didi Kempot". suara.com (ing basa Indonesia). 2020-05-05. Dibukak ing 2020-07-31.
  5. ↑ Kamis; Mei 2020, 07 Mei 2020 13:57 WIB 07; Wib, 13:57 (2020-05-07). "Tepo Kecap Khas Ngawi, Cocok Untuk Santapan Malam Hari". indozone.id (ing basa Indonesia). Diarsip saka sing asli ing 2022-02-14. Dibukak ing 2020-07-31.{{cite web}}: CS1 maint: numeric names: authors list (link)
Dijupuk saka "https://jv.wikipedia.org/w/index.php?title=Tépo&oldid=1660718"