Tèh hèrbal

Saka Wikipédia Jawa, bauwarna mardika basa Jawa

thumb|Tèh hèrbal Tèh hèrbal (basa Inggris: tisane, herbal tea) iku sebutan tumrap ramuan kembang, godhong, wiji, oyot, utawa woh garing kanggo gawé ombènan sing uga karan tèh hèrbal. Sanajan karan "tèh", ramuan uawa ombènan iki ora ngandhut bahan saka godhong tuwuhan tèh (Camellia sinensis).

Tèh hèrbal racaké diseduh nganggo banyu panas supaya duwé aroma wangi. Nanging, tèh hèrbal saka bahan wiji tuwuhan utawa oyot kerep kudu digodhog luwih dhisik sadurungé disaring lan disuguhaké. Sanadyan ngandhut ramuan kembang utawa who garing, tèh sing asal saka godhong tèh kaya tèh mlathi utawa tèh Earl Grey ora kalebu tèh hèrbal. Campuran jeruk bergamot sajeroning tèh Earl Grey utawa kembang mlathi sajeroning tèh mlathi dimaksudaké minangka pewangi kanggo gawé variasi aroma tèh.

Tèh hèrbal cumepak sajeroning wadhah kalèng, kanthong tèh, utawa tèh hèrbal siyap ombé sajeroning wadhah kothak. Tèh hèrbal uga kerep diiklanaké minangka ombènan kaséhatan kanggo nambani manéka lelara.