Suksèsi (Biologi)

Saka Wikipédia Jawa, bauwarna mardika basa Jawa
Suksèsi Sékundhèr

Suksèsi iku prosès owahé ékosistem ing wektu tartamtu mara arah lingkungan kang luwih temata lan stabil.[1] Prosès suksèsi bakal rampung yèn lingkungan iku wis stabil kahanané utawa wis klimaks.[1] Ékosistem kang klimaks iku ékosistem kang wis duwé homeostatis, saéngga bisa njagani kestabilan internalé.[1]

Suksèsi dhéwé dibagi loro jinisé ya iku:

  • Suksèsi Primèr bakal kadadéan yèn komunitas awal iku kaganggu lan ngakibataké ilangé komunitas awal mau saéngga bakal dadi substrat lan habitat anyar.[1]
  • Suksèsi Sékundhèr bakal kadadéan yèn ékosistem alami olèh gangguan (alami utawa amarga manungsa) lan gangguan iku mau ora ngrusak total papan tuwuhé organisme kang ana saéngga ing ékosistem mau substrat lan kauripan sedurungé isih ana.[1]

Bédané suksèsi primèr lan sékundhèr mau ya iku ana ing kaanan habitat ing awal prosès suksèsi kadadéan.[1] Faktor-faktor kang mangaruhi prosès suksèsi ing antarané ya iku:[2]

  • ambané habitat asal kang rusak[2]
  • jinisé tuwuhan ing sakupengé ékosistem kang kaganggu[2]
  • cepeté mencaré wiji utawa winih ing ékosistem mau [2]
  • iklim, mligi arah lan cepeté angin kang nggawa wiji, spora lan winih liya uga curah udan kang mangaruhi prosès perkecambahan[2]
  • jinisé substrat anyar kang kadadéan[2]

Cathetan sikil[besut | besut sumber]

  1. a b c d e f (Suwarno(2009)."Panduan Pembelajaran Biologi X SMA & MA) (BSE)".Jakarta:Pusat Perbukuan, Depdiknas. Hal.170)
  2. a b c d e f (Suwarno(2009)."Panduan Pembelajaran Biologi X SMA & MA) (BSE)".Jakarta:Pusat Perbukuan, Depdiknas. Hal.171)

,