Thukul

Thukul yaiku prosès kang kadadéan ing wewijèn ing fase tuwuh ing émbrio utawa calon indhividhu anyar kang dijangkepi déning cadhangan panganan. Ing prosès perkecambahan iku oyod bakal dislubungi déning koléoriza lan ing pucuk émbrio dislubungi déning koléoptil.

Perkecambahan dibédakaké dadi loro jinisé yaiku:

• Perkecambahan Hipogéal yaiku tambah dawané épikotil saénggo njalari plumula metu lan nembus kulit wijiné kang mengkoné bakal thukul ing dhuwur lemah, kotilédhoné isih tetep ing njero lemah. Tuladha saka perkecambahan hipogéal yaiku perkecambahan ing tuwuhan kapri.
• Perkecambahan Epigéal yaiku hipokotil tambah dawa lan ngakibataké kotilédhon lan plumula metu tekan ndhuwur lemah saéngga kotilédhon ana ing ndhuwur lemah. Tuladhané perkecambahan epigéal yaiku perkecambahané kacang ijo.

Kanggo nyukupi butuhé panganan, émbrio olèh panganan kang asalé saka cadhangan panganan kang ana ing njero keping wiji (kotilédhon). Didhasaraké saka gunggung kotilédhoné, tuwuhan kang duwé wiji dibédakaké dadi loro yaiku tuwuhan kang duwé kotilédhon siji kang mau monokotil lan kang duwé kotilédhon keping loro yaiku dhikotil.

Kapan wiji iku wiwit thukul, sabeneré iku awalé tuwuh sawisé émbrionik kang diwiwiti saka pawilahan sèl terus-terusan ing wektu kang rikat yakuwi périodhe percepatan patuwuhan jaringan mèristem émbrio. Ing prosès iki bakal dibagi sél jaringan anyar kang duwé wujud, susunan lan mupangat kang anyar lan béda banjur thukul dadi organ-organ anyar kaya ta tunas émbrionik, oyod émbrionik, lan kotilédhon kang bakal dadi organ tuwuhan.