Sporozoa

Saka Wikipédia Jawa, bauwarna bébas abasa Jawa
Apicomplexa
Klasifikasi èlmiah
Domain: Eukaryota
Krajan: Chromalveolata
Superfilum: Alveolata
Filum: Apicomplexa
Kelas dan Subkelas

Aconoidasida

Conoidasida

Sporozoa ya iku filum kalima saka Krajan Protista, kang uga dikenal kanthi jeneng Apicomplexa, ngumpulaké spesies-spesies parasit protozoa intraseluler obligat kang diklasifikasiaké minangka Sporozoa utawa Sporozoans, amarga mbentuk sel-sel reproduksi kang dikenal kanthi jeneng spora.[1]

Sporozoa minangka siji-sijiné anggota Protozoa kang ora nduwéni alat obah. Sporozoa urip dadi parasit. Cara éntuk pangané kanthi njupuk nutrisi inangé,contoné Plasmodium kang dadi anggota sporozoa kang paling dikenal. Jroning awak manungsa, Plasmodium bisa nyebabaké penyakit malaria. Nularé saka cokotan lemut Anopheles wédok.[2]

Reproduksi sporozoa kanthi cara aseksual ya iku schizogoni (mbelah awak ing njero awak inang) utawa sporogoni (mbentuk spora ing njero awak inang) lan kanthi cara seksual ya iku peleburan loro gamet ing njero awak lemut(inang).[3]

Cathetan sikil[besut | besut sumber]

  1. ^ (id)Sporozoa (Kaundhuh tanggal 08 Oktober 2012) ;
  2. ^ (id)[1] (Kaundhuh tanggal 26 Oktober 2012) ;
  3. ^ (id)[2] (Kaundhuh tanggal 26 Oktober 2012) ;
Sumber artikel punika saking kaca situs web: "https://jv.wikipedia.org/w/index.php?title=Sporozoa&oldid=964902"