Sijo

Saka Wikipédia Jawa, bauwarna bébas abasa Jawa
Sijo
Hangul 시조
Hanja 調
Alihaksara sing Disampurnakaké Sijo
McCune–Reischauer Sijo

Sijo inggih punika satunggaling wujud geguritan (puisi) ingkang wonten ing Korea.[1] Kawiwitan saking pungkasan periode Dinasti Goryeo, sijo kasususn mawi 3 pada (bait), kaserat mawi 44 dumugi 46 tembung.[1]

Sijochang[besut | besut sumber]

Sijochang

Seni nembangaken sijo punika dipunwastani sijochang ("nembang sijo") [2], danga ("tembang cekak"), utawi sijeolga ("tembang musim").[3][4]

Sanajan miturut prakiraan tradisi nembang syair sampun wonten dangu ing Korea, genre sijochang nembé dipuntepangaken nalika masa pamaréntahan Raja Yeongjo (1724-1776) déning satunggaling penyanyi kanthi nama Yi Se-chun.[4] Miturut Gwanseo-akbu, buku musik ingkang dipunserat déning Sin Gwang-su, sarjana-sastrawan zaman Raja Yeongjo, Yi Se-chun saking Hanyang inggih punika tiyang ingkang kapisan damel komposisi musik sijo.[4] Pérangan punika minangka bukti bilih gaya lan komposisi sijo ingkang baku dipuntepangaken déning Yi Se-chun.[4] Salajengipun genre punika mekar kanthi cepet nalika ing masa Raja Jeongjo (1776-1800) lan Sunjo (1800-1834).[4] Gaya ingkang dipunmekaraken Yi Se-chun tasih dipunwarisaken dumugi sapunika ananging mekar dados sapérangan wujud.[4] Sijo ingkang wonten 3 stanza (bait) dados kondhang amargi prasaja lan gampil dipuntampi. Tema-tema ingkang dipunserat sapérangan ageng babagan pagesangan, katresnan, wuyung, sesawangan alam, lan sanèsipun.[1]

Komposisi musik sijo kaping pisan dipunserat wonten ing buku-buku musik Joseon kadosta Imwon Gyeongjeji (karya Seo Yu-gu) lan buku musik kanggé piranti musik kecapi yanggeum kanthi irah-irahan Gura Jeolsa Geumbo.[4] Boten kados seni vokal gasa lan gagok, sijo mekar wonten ing dhaérah-dhaérah lan vèrsi-vèrsinipun ndhèrèk nambah variasi gaya nembang sijo.[4] Saking Seoul dipunparingi nama gyeongpan, naepoje saking propinsi Chungcheong, Wanje saking Jeolla, Yeongje saking Gyeongsang.[4]

Wujud-wujud ingkang tasih dipuntembangaken :

  • pyeong sijo, inggih punika wujuding sijo ingkang paling dhasar.[4] Kaperang dados 45 tembung lan kawentar ugi kanthi nama danyeong (wujud cekak). Gaya nembangaken alus lan anteng.[4]
  • jireum sijo, dipuntembangaken kanthi nada ingkang inggil la kadang kala dipunparingi nama ugi minangka sijo "mbengok".[4]
  • saseol sijo, sijo awujud dawa lan tembungipun langkung kathah. Dipuntembangaken kanthi ritme lan tempo ingkang sami kados pyeong sijo, ananging dipuntembangaken kanthi swantun ingkang inggil.[4]
  • ujo sijo
  • hwimori sijo
  • jungheori sijo, sami kados pyeong sijo ing perangan tempo lan ritme, ananging stanza kaping tiga dipuntembangaken kanthi swantun ingkang inggil.
  • yeochang jireum sijo, sijo khusus kanggé vokal wanita mawi swantun ingkang inggil.[4]
  • saseol jireum sijo
  • ujo jireum sijo

Cathetan suku[besut | besut sumber]

  1. ^ a b c Korean Sijo Poem webspace.webring.com
  2. ^ (id) Jeongga (정가), (dipunakses tanggal 8 Maret 2013)
  3. ^ Sijo gugak.go.kr.
  4. ^ a b c d e f g h i j k l m n Classical Music: Vocal gugak.go.kr.
Sumber artikel punika saking kaca situs web: "https://jv.wikipedia.org/w/index.php?title=Sijo&oldid=1012042"