Sergei Aleksandrovich Arutiunov
Sergei Aleksandrovich Arutiunov iku ahli antropologi saka Tbilisi, nagara Georgia (praja) kalairan taun 1932[1][2]. Pandhidhikan antropologiné éntuk saka Moscow Institute of Oriental Studies (1953-1954) lan gelar Ph.D. saka Institute of Archaeology, Moskwa taun 1962. Panalitèn lapangané akèh diayahi ing wewengkon Sibèria lan Armènia. Uga naté ing Indhi, Jepang, lan Viètnam[1]. Tulisan-tulisané kang wis diterbitaké antarané iku Drevniye kultury asiatskikh eskimosov (Budaya Kuna Éskimo Asiatik) taun 1969 lan Etnicheskaya istoriya naseleniya poberezhia Beringova morya (Sajarah Budaya ing Wewengkon Sagara Bering) taun 1969[2][3]. Karir akademisé diwiwiti sawisé Perang Adhem (Cold War)[1]. Arutiunov karenan ing kajian ètnografi lan géografi. Pengalaman-pengalamané saka panalitèn lapangan nyatané gawé nggugah Arutiunov kanggo nulis 400 tulisan ngenani sejarah suku bangsa saka Asia Kidul-wétan lan Transkaukasus. Arutiunov uga ahli ing antropologi terapan lan ètnopulitik wewengkon Kaokasus. Dhèwèké uga dadi antropolog spésialis kajian konflik ètnik ing Ruslan kang diajèni[1].
Rujukan[besut | besut sumber]
- ↑ a b c d Amit, Vered (2004). Biographical dictionary of social and cultural anthropology. London: Routledge. kc. 24. ISBN 020364459X. OCLC 436848672.
- ↑ a b "Sergei Alexandrovich Arutiunov". Wilson Center. Dibukak ing 2017-11-07.
- ↑ "Aruti︠u︡nov, S. A. (Sergeĭ Aleksandrovich)". World Cat. Dibukak ing 2017-11-07.