Segawon Kintamani

Saka Wikipédia, bauwarna bébas basa Jawa
Segawon Kintamani

Segawon Kintamani utawi Asu Kintamani inggih punika salah satunggalipun ras segawon ingkang asalipun saking pegunungan Kintamani, Kabupatèn Bangli, Bali.[1][2] Segawon punika nggadhahi sipat waninan lan sampun dangu dipunkembangbiakaken saéngga saged dipunakeni déning donya internasional. Wiwit taun 1988 PERKIN nerbitaken Sertifikasi-Silsilah S.K Ketua Umum PERKIN no. 11/KU/PP/III/1988 mligi tumrap panaliten segawon kintamani ingkang warninipun pethak.[1] Ananging sanajan sampun dipuntetepaken sawetawis, pengamatan, panaliten, lan pemuliabiakan tansah dipunrembakaken ngantos Federation Cynologique Internationale (FCI) maringi syarat tiyang ingkang kagungan kennel-kennel segawon kintamani ingkang sampun kadhaftar ing PERKIN supados maringi asil pemuliabiakan performans fenotip generasi kaping XV sami kaliyan generasi I saking paling sakedhik 10 kennel ingkang wonten.[1]

Kanthi uji pengamatan ing lapangan kanthi mbandhingaken segawon kintamani saking asil kennel pemuliabiakan lan segawon kintamani ing wewengkon kintamani, lajeng dipunsusun dheskripsi lan standar fenotip segawon kintamani ingkang kapérang saking ciri-ciri ingkang umum, sipat-sipat umum, inggil badanipun, dhasar pigmentasi kulit, wujud endhasipun, mata, waja lan sanèsipun.[1] Bentenipun ing dhistribusi warni wulu lan dipuntetepaken ing tanggal 16 Oktober 1994.[1] Standar punika dipunanggé minangka lelandhesan dhasar nalika wonten kontés lan pameran segawon kintamani lan sampun dipunakeni déning PERKIN (Dharma.M.N. Dewa; Pudji Rahardjo; Kertayadnya I.G, 1994.).[1]

Cathetan Suku[besut | besut sumber]

  1. ^ a b c d e f (id)Anjing Kintamani Bali dipunundhuh tanggal 10 September 2011)
  2. ^ (id)Anjing Kintamani Makin Banyak Disukai dipunundhuh tanggal 10 September 2011)

Pranala Njawi[besut | besut sumber]


Sumber artikel punika saking kaca situs web: "https://jv.wikipedia.org/w/index.php?title=Segawon_Kintamani&oldid=982508"