Radhar Panca Dahana
Radhar Panca Dahana ingkang miyos wonten ing Jakarta tanggal 26 Maret 1965 inggih punika salah satunggaling sastrawan Indonésia. Piyambakipun lulusan saking Program S1 Jurusan Sosiologi FISIP Universitas Indonesia (1993) lan studi Sosiologi ing École des Hautes Études en Science Sociales, Paris, Prancis taun (2001).[1]
Biografi
[besut | besut sumber]Radhar inggih putra angka gangsal saking pitung sedhèrèkipun. Piyambakipun sampun remen nyerat wiwit yuswa 5 taun, nanging amargi piyambakipun ajrih kaliyan bapakipun, mila nalika ngirimaken seratanipun ing médhia massa, piyambakipun asring migunakaken sandhi asma “Reza Mortafilini” ingkang salajengpun dadosaken namanipun langkung misuwur. Kaprigelanipun ing babagan sastra lan seratan mila punika ingkang dadosaken Radhar dados cerpenis saha reprter lepas ing satunggaling kalawarta remaja, Zaman. Piyambakipun asring ngirimaken karya-karyanipun ing rubrik kalawarta ing babagan ulah raga, kabudayan, pendhidhikan, warta kriminal, lan hukum. Radhar Panca Dahana gadhah garwa kanthi nama, Evi Apriani saha putranipun, Cahya Prima Putra Dahana. Sapunika Radhar aktip dados dhosèn jurusan Sosiologi Universitas Indonesia kejawi dados sastrawan, kritikus, saha budayawan.
Padamelanipun
[besut | besut sumber]Radhar miwiti debut dados sastrawan wiwit yuswanipun 10 taun saking cerpenipun ingkang kapacak wonten ing Harian Kompas, "Tamu Tak Diundang". Lajeng nerasaken ing babagan jurnalistik dados redaktur tamu malalah Kawanku (1977), reporter lepas ngantos dados pemimpin redaksi ing sapérangan médhia kados ta ing kalawarta Hai, Kompas, Jakarta Jakarta, Vista TV, lan Indline.com. Lan sapunika piyambakipun dados ingkang njagi rubrik Gagasan ing Harian Kompas lan dados dhosèn ing Universitas Indonesia.
Penghargaan
[besut | besut sumber]- Kapilih dados salah satunggaling saking gangsal seniman mudha masa depan Asia versi NHK (1996)
- Pikantuk Paramadina Award (2005)
- Kalih karya ingkang saé piyambak dados Pusaka Bangsa, Duta Lingkungan Hidup wiwit taun 2004.
- Pikantuk Medali Frix de le Francophonie 2007 saking 15 nagara mawi basa Prancis
Asiling Karya
[besut | besut sumber]- Menjadi Manusia Indonesia (esai humaniora, 2002)
- Lalu Batu (kumpulan sajak, 2003)
- Jejak Posmodernisme (2004)
- Cerita-carita dari Negeri Asap (kumpulan carkak, 2005)
- Inikah Kita: Mozaik Manusia Indonesia (esai humaniora, 2006)
- Dalam Sebotol Coklat Cair (esai sastra, 2007)
- Metamorfosa Kosong (kumpulan drama, 2007)
- Lalu Waktu (kempalan puisi)
- Masa Depan Kesunyian (kempalan carkak)
- Homo Theatricus (esai)
- Ideologi Pulitik dan Teater Modern Indonesia (2001)
- Jejak Posmodernisme (2002)
- Pergulatan Kaum Intelektual Indonesia (2003)[2]