Pulo Wèh

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Jujug: pandhu arah, pados
Pulo Wéh
Pulo Wéh

Pulau Wèh (utawi We) inggih punika pulo vulkanik alit ingkang wonten ing kilenipun Pulo Sumatra sisih nginggil.[1] Pulo punika naté manunggal kaliyan Pulo Sumatra, ananging lajeng misah amargi mbledhugipun gunung geni ing jaman Pleistosen.[1] Pulo punika dunungipun ing Segara Andaman.[1] Kutha paling ageng ing Pulo Wéh, Sabang, inggih punika kutha ingkang dunungipun paling kilén ing Indonésia.[1] Pulo punika misuwur kanthi ekosistemipun.[1] Pamerintah Indonésia sampun netepaken wewengkon tebihipun ngantos 60 km² saking pinggir pulo minangka suaka alam.[1]

Geografi[sunting | besut sumber]

Pulo Weh dunungipun ing Segara Andaman, ing mrika wonten kalih klompok kapuloan, inggih punika Kapuloan Nikobar lan Kapuloan Andaman, kasebar wonten ing satunggal garis saking Sumatra ngantos lémpéng Burma.[2] Laut Andaman wonten ing lémpéng téktonik alit ingkang taksih aktif.[2] Pulo punika kagelar ngantos 15 kilometer (10 mil) ing pucuk paling lèr Pulo Sumatra. Pulo punika kalebet pulo alit ingkang jembaripun namung 156,3 km², ananging nggadhahi kathah gunung.[1] Pucuk ingkang paling inggil ing pulo punika inggih punika satunggalipun gunung geni fumaroik kanthi inggil 617 mètér (2024 kaki).[1]

Pranala njawi[sunting | besut sumber]

Cathetan suku[sunting | besut sumber]

  1. ^ a b c d e f g h (en)Pulau Weh dipunundhuh tanggal 1 Agustus 2011)
  2. ^ a b (en)[Journal of Asian Earth Sciences. 2005. Tectonics and history of the Andaman Sea region]


Sumber artikel punika saking kaca situs web: "https://jv.wikipedia.org/w/index.php?title=Pulo_Wèh&oldid=980435"