Pulo Salaut Besar
2°57′51″N 95°23′34″E / 2.96417°N 95.39278°E
Pulo Salaut Besar inggih kalebet salah satunggaling pulo ing Indonesia. pulo Salaut Besar kalebet pulo jaba ing Indonesia ingkang mapan wonten ing sisih pucuk kilèn kapuloan Simeulue. Ing administratif, pulo salaut besar mlebet wewengkon désa Léwak, Kacamatan Siméulué Barat, Siméulué, Nanggroe Acèh Darussalam. Pulo punika mapan wonten ing Samodra Hindia, kalebet péranganing pamaréntahan Acèh. Plo Salaut Besar mapan wonten ing sisih barat laut saking Pulo Siméulué kanthi koordinat 2° 57′ 51″ LU, 95° 23′ 34″ BT.[1]
Amabanipun pulo Salaut Besar inggih punik kirang langkung 21 km2.[2] Pulo Salaut Besar inggih punika salah satunggaling pulo paling njawi ing provinsi Acèh saha mapan wonten ing sisih kulon saking Pulo Simeulue. Boten wonten pendhudhuk ingkang dumunung ing pulo punika, nanging ing pulo Salaut Besar punika wonten potensi wit kambil ingkang radi ageng.
Dhémografi
[besut | besut sumber]Radi angèl manawi badhé dhateng Pulo Salaut Besar punika amargi aksesbilitas dhateng pulo punika andhap sanget amargi laladanipun ingkang pelosok sanget. Manawi badhé dhateng Pulo Salaut Besar punika saged dipunambah saking Pulo Simeulue kanthi ngginakaken praunipun para warigaluh.
Oceanografi
[besut | besut sumber]Kados déné pulo-pulo sanèsipun ing Indonesia, bilih Pulo Salaut Besar ugi gadhah iklim tropis. Temperatur saben dintenipun ing pulo punika ing antawisipun 21,2°-30,43° Celcius. Banteripun angin saged dumugi 13,3 knot kanthi arah angin ingkang kathah piyambak tumuju dhateng sisih kulon saha gadhah ilining jawah ingkang langkung inggil ugi, inggih punika saged dumugi 2.786 mm/taun. Kaanan curah udan ingkang langkung inggil punika dipuntemtokaken déning fluktuasi mangsa udan saha kemarau. Mangsa udan kadadosan ing sasi Juli ngantos Dhésèmber, déné mudim kemarau kadadosan ing sasi Januari ngantos Juni saben taunipun. Suhu udara maksimum ing Pulo Salaut Besar inggih ing antawisipun 26°-35 °C kanthi suhu udara minimum ing antawisipun 17,7°-25,4 °C. Déné kelembaban nisbi ing antawisipun 70°-78% saben taun.
Topografi
[besut | besut sumber]Pabedanipun dhuwuripun dataran inggih saha dataran andhap namung sakedhik ing antawisipun 0-3 mèter saking nginggiling toya laut (dpl). Pulo Salaut Besar sajatosipun inggih wujud pulo karang, ingkang katingal saking laladan ing sakiteripun pulo ingkang wonten watu karangipun. Pulo Salaut Besar taksih satunggal gugusan kaliyan Pulo Salaut Kecil ingkang mapan persis wonten ing sisih wétanipun. Ing sisih wétan pulo punika saged dipuntingali pasisir pasir putih ingkang dawa lan mbentang jejeg. Topografi pasisir ing Pulo Salaut Besar, jeronipun manéka warna saking 2 dumugi 18 mèter kanthi dhuwuripun ombak saged ngantos 0,5-3 mèter. Dhasaripun pasisir boten rata amargi ing sapérangan panggènan awujud bukit karang alit.