Pinisi

Saka Wikipédia Jawa, bauwarna bébas abasa Jawa
Pinisi ing pelabuhan Paotere, Makassar
Gambar Pinisi type Lamba
Pinisi Lamba nganggo mesin

Pinisi ya iku kapal layar tradhisional khas saka Indonésia, kang asalé saka Suku Bugis lan Suku Makassar ing Sulawesi Kidul.[1] Kapal iki umumé duwé cagak utama loro lan duwé layar pitu, ya iku telu ing pucuk ngarep, loro ing ngarep, loro ing buri; umumé dienggo kanggo ngangkut barang antar pulo.[1] Pinisi ya iku kapal layar kang nganggo jinis layar sekunar kang diwènèhi pitung lembar layar kang duwé arti yèn to nenek moyang bangsa Indonésia bisa ngliwati pitung samudra gedhé ing donya.[1]

Sajarah[besut | besut sumber]

Kapal kayu Pinisi wis dienggo ing Indonésia wiwit pirang-pirang abad kapungkur, kapal pinisi dianggep wis ana wiwit sadurungé taun 1500-an.[2] Miturut naskah Lontarak I Babad La Lagaligo ing abad kaping 14, Pinisi pisanan digawé Sawerigading, Putera Mahkota Kerajaan Luwu kanggo menyang negeri Tiongkok kanggo nglamar Putri Tiongkok kang duwé jeneng We Cudai.[2]

Sawerigading kasil lunga menyang negeri Tiongkok lan nggarwa Puteri We Cudai.[2] Sawisé mapan suwé ing negeri Tiongkok, Sawerigading balik ing kampung lan nggunakaké Pinisiné ing Luwu.[2] Nalika arep mlebu wewengkon Luwu kapal diterak ombak gedhé lan Pinisi sigar dadi telu lan kerem ing désa Ara, Tanah Beru lan Lemo-lemo.[2] Masyarakat ing telung désa iku mau banjur ngrakit pecahan kapal kang sigar dadi perahu kan banjur dijenengké Pinisi.[2]

Cathetan suku[besut | besut sumber]

  1. ^ a b c (id)Pinisi(07 Agustus 2011)
  2. ^ a b c d e f (id)Pinisi(08 Agustus 2011)
Sumber artikel punika saking kaca situs web: "https://jv.wikipedia.org/w/index.php?title=Pinisi&oldid=1000339"