Paotere

Saka Wikipédia Jawa, bauwarna mardika basa Jawa
Pinisi ing pelabuhan Paotere

Paotere ya iku plabuhan prau kang dumunung ing Kacamatan Ujung Tanah, Makassar, Sulawesi Kidul.[1] Plabuhan kang leté ± 5 km (± 30 menit) saka Kutha Makassar iki salah sawijiné plabuhan rakyat warisan tempo doeloe kang isih ramé lan pérangan kang dadi bukti warisan Krajan Gowa-Tallo wiwit abad kaping 14 nalika mbudhalaké 200 armada Prahu Pinisi ing Malaka.[1]

Plabuhan Paotere saiki isih dianggo dadi plabuhan prau-prau rakyat kaya ta Pinisi lan Lambo lan uga dadi pusat niaga warigaluh, ing ngendi bisa dideleng saanané dalan ing plabuhan jèjèr-jèjèr toko-toko kang adol warna-warna iwak garing utawa grèsèk, kabutuhan warigaluh, lan uga ana restoran seafood.[1] Ikan baronang, cepak, sunu (kerapu) lan ikan bolu (bandeng) iku dadi maskot menu kang dadi menu andalan ing warung-warung tenda lan ing warung makan méwah ing Paotere, lan Makassar lumrahé.[2]

Jajanan khas saka Paotere ya iku iwak asin kaya ta iwak teri, iwak sunu, iwak kakap abang (pindang), lan sapanunggalané bisa dituku ing toko-toko kang jèjèran ing pinggir dalan Pelra Paotere.[2] Kanggo sing seneng mancing iwak, bisa manfaatké dermaga TPI (Tempat Pelelangan Ikan) ing kana.[2]

Cathetan suku[besut | besut sumber]

  1. a b c Paotere Archived 2011-11-07 at the Wayback Machine.(08 Agustus 2011)
  2. a b c Paotere Archived 2011-08-14 at the Wayback Machine.(08 Agustus 2011)