Origenes

Saka Wikipédia Jawa, bauwarna mardika basa Jawa
Origenes, cendekiawan paling hébat abad katelu

Origenes (basa Yunani: Ὠριγένης) lair ing Alexandria watara taun 185.[1] Dhèwèké asalé saka kulawarga Kristen kang salèh.[1] Kira-kira ing taun 201, bapak saka salah sijiné tokoh gréja kang misuwur iku, Leonidas, dikunjara ing sapanggonan disiksa déning Septimus Severus.[1] Origenes nulis surat kanggo bapaké kang ana ing pakunjaran supaya ora mbaléla Kristus demi kulawargané.[1] Nanging Origenes péngin nyerahaké awaké ing panguwasa supaya bisa dadi martir bareng-bareng karo bapaké, nanging ibuné nglarang lan ndhelikaké sandhangané supaya ora lunga.[1]

Sawisé Leonidas mati dadi martir, bandané disita, lan bojoné ora kerumat lan anak-anaké kang ana 7.[1] Origenes wiwit kerja dadi guru sastra Yunani lan panyalin naskah.[1] Amarga akèh wong-wong pinter kang wis mati, Alexandria kang disiksa, saéngga sekolah katekisasi Kristen butuh banget tenaga kanggo mulang.[1] Ing umur 18 taun, Origenes wis dadi kepala sekolah ing sekolah katekisasi iku lan wiwit mulang sinau lan nulis.[1]

Origenes uripé asketis, wektu urip dientèkaké ing wayah bengi kanggo sinau lan dedonga, sarta turu ing ngisor tanpa dilèmèki apa-apa.[1] Kuwi dilakokaké amarga Origenes setya karo gréja lan nggawa kurmatané asma Kristus.[1]

Origenes panulis kang prodhuktif banget.[2] Origenes bisa gawé sekretaris kang cacahé 7 kabèh bisa kerja kanthi apik.[2] Origenes wis ngasilaké punjul 2000 karya, salah sijiné ya iku tafsiran-tafsiran ing saben kitab ing Alkitab sarta atusan khotbah.[2]

Karyané "Hexapla" kalebu karya kang duwé prèstasi ing babagan kritik tèks.[2] Ing njeroné karya iku, Origenes nyoba nemu pertalan Yunani kang paling apik kanggo Prajanjian Lawas, lan ing enem kolom kang padha dhèwèké gunakaké Prajanjian Lawas Ibrani, ya iku transliterasi Yunani, 3 pertalan Yunani lan Septuaginta.[2] "Nglawan Celsus" ya iku karya gedhé kang kalebu bètèng kanggo kristen ing serangan kafir.[2] "Atas Prinsip Pertama" kalebu sarana kang pisanan kanggo téologi sistematis; Origenes kanthi saksama nliti keyakinan Kristen ngenani Allah, Kristus, Hyang Roh Suci, penciptaan, jiwa, kekarepan bébas, kaslametan lan Kitab Suci.[2]

Cathetan sikil[besut | besut sumber]

  1. a b c d e f g h i j k Origenes (Diaksès tanggal 3 Agustus 2011)
  2. a b c d e f g Origenes (Diaksès tanggal 3 Agustus 2011)