Nurhaida

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Nurhaida
Nurhaida.jpg
Lair (1959-06-27) Juni 27, 1959 (umur 61)
Indonésia Padang Panjang, Sumatera Barat, Indonésia
BangsaIndonésia
PakaryanEkonom

Nurhaida ingkang miyos wonten ing Padang Panjang, Sumatera Barat tanggal 27 Juni 1959 inggih salah satunggaling ékonom Indonésia.

Biografi[besut | besut sumber]

Nurhaida inggih punika salah satunggaling tiyang ingkang ahli pasar modal lan sapunika piyambakipun njabat dados Ketua Badan Pengawas Pasar Modal dan Lembaga Keuangan. Nurhaida inggih tiyang èstri ingkang sapisan ingkang njabat dados ketua Bapepam-LK.[1] Piyambakipun nggantosaken Fuad Rahmany ingkang lajeng dipunangkat dados dirjen pajak. Sanajan sanès pejabat karir ing Bapepam, piyambakipun sampun dangu makarya ing regulator pasar modal wiwit taun 1998. Karir ing Bapepam dipunwiwiti ing sasi Novèmber 1997-1998. Ing wekdal punika, Nurhaida njabat dados kepala Pérangan Bina Wakil Perusahaan Efek, Biro Transaksi dan Lembaga Efek, Bapepam. Wonten ing Dhésèmber 1998-Juli 2000, Nurhaida njabat dados kepala Pérangan Bina Penasihat Investasi Biro Pengelolaan Investasi dan Riset Bapepam, lan kepala Pérangan Usaha Aneka Industri Biro Penilaian Keuangan Perusahaan (PKP) Sektor Riil-Bapepam wonten ing Agustus 2000-Mèi 2006. Nurhaida lajeng minggah kalungguhan dhateng eselon II dados kepala Biro PKP Sektor Riil-Bapepam wonten ing 12 Mèi 2006-September 2008. Piyambakipun lajeng dados kepala Biro Transaksi dan Lembaga Efek wonten ing September 2008-21 Januari 2011. Lajeng, Nurhaida dipunangkat dados Staf Ahli Babagan Kebijakan dan Regulasi Jasa Keuangan dan Pasar Modal Kementerian Keuangan wonten ing 21 Januari 2011. Nurhaida lajeng dados pelaksana tugas ketua Bapepam-LK amargi posisi ingkang nggantosaken Fuad Rahmany taksih kothong. Setunggal sasi salajengipun, Nurhaida dipunangkat dados ketua Bapepam-Lk. Nurhaida boten namung dados regulator pasar modal lan lembaga keuangan, nanging piyambakipun ugi badhé marisi tugasipun Fuad ingkang saderengipun, inggih punika dados ketua Tim Perumus Rancangan Undang-Undang Otoritas Jasa Keuangan (OJK). Nurhaida inggih kalebet salah satunggaling komisioner Otoritas Jaa Keuangan.[2]

Pendhidhikan[besut | besut sumber]

Nurhaida sampun ngrampungaken pendhidhikan sarjanipun wonten ing Institut Teknologi Bandung jurusan Teknik Kimia Tekstil. Sasampunipun lulus saking program S-1, piyambakipun mendhet gelar master wonten ing Indiana University, Bloomington, Minnesota, Amérikah Sarékat jurusan Master of Business Administration wonten ing 1995. Kajawi nggayuh pendhidikan formal, piyambakipun ugi aktip ndhérék seminar lan pelatihan ing jaban rangkah kados ta International Institute on the Inspection and Oversight of Market Intermediaries ingkang dipunadani déning US Securities and Exchange Commission ing Washington DC, pelatihan wonten ing Australian Exchange Commission, Sidney Australia, lan sapanunggalanipun.

Cathetan suku[besut | besut sumber]

  1. {{id[www.vivanews.com [1] Nurhaida, Srikandi Wasit Pasar Modal] (dipunundhuh tanggal 28 Januari 2013)
  2. [http://www.seputar-indonesia.com/edisicetak/content/view/504786/ Muliaman Hadad Pimpin OJK (dipunundhuh tanggal 28 Januari 2013)