Nationalsozialistische Deutsche Arbeiterpartei

Saka Wikipédia Jawa, bauwarna bébas abasa Jawa
Bagian dari seri tentang
Nazisme
Simbol nazisme
Simbol nazisme
Lambang NSDAP utawi Nazi

Nationalsozialistische Deutsche Arbeiterpartei (dipuncekak NSDAP utawi Parté Nazi, tegesipun "Parté Pekerja Nasional-Sosialis Jerman") inggih punika satunggalipun parté pulitik ingkang naté wonten ing negari Jerman.[1] Parté punika jumeneng ing taun 1920 ingkang punjeripun (pusat) ing München.[1] Sadèrèngipun dados parté NSDAP, parté punika nggadhahi nami Deutsche Arbeiterpartei (Parté Buruh Jerman), nami parté punika dipungantos ing tanggal 24 Februari 1920. Lambang resmi NSDAP inggih punika Swastika.[1]

NSDAP dados kakiyatan pulitik ingkang utami ing Nazi Jerman wiwit Républik Weimar kalah ing taun 1933 ngantos pungkasanipun Perang Donya II ing taun 1945, nalika dipundéklarasikaken kanthi ilégal lan para punggawanipun dipuncepeng amargi dipuntuduh minangka tersangka keawonan kamanungsan.[1] Tiyang ingkang mlebet parté Nazi nggadhahi satunggalipun idéologi pulitik ènggal, limrahipun dipuntepangi kanthi nami "Nazisme".[1]

Pangarsanipun parté punika, Adolf Hitler, dipunpilih déning Présidhèn Paul von Hindenburg minangka Kanselir Jerman ing taun 1933.[1] Awit wekdal semanten, Hitler kanthi cepet saged mbangun rézim totalitarian ing Jerman ingkang dipunsebat Reich kaping tiga.[1]

Idéologi Nazi inggih punika nengenaken bab kemurnian ras tiyang Jerman lan nyingkiraken kaum ingkang dipunsebat Lebensunwertes Leben (ing antawisipun Yahudi, Slavia, Rom, lan homosèksual), klompok Saksi-Saksi Yehuwa, tiyang cacat méntal utawi fisik, lan komunis.[2]

Cathetan suku[besut | besut sumber]

  1. ^ a b c d e f g (en)Arendt, Hannah. The Origins of Totalitarianism. London; New York; San Diego:Harvest Book. Pp. 306.
  2. ^ (en)Bruhn, Jodi; Maier, Hans Hans Maier. 2004. Totalitarianism and Political Religions: Concepts for the Comparison of Dictatorships. Routledge: Oxon (U.K.); New York. Pp. 32.

Pranala njawi[besut | besut sumber]