National Museum of American History

Saka Wikipédia Jawa, bauwarna mardika basa Jawa
National Museum of American History
Dikukuhaké1964
PernahAmérika Sarékat Washington, D.C.
JinisSajarah Amérikah Sarékat
Situs jaringanwww.narahaku.go.jp

National Museum of American History inggih punika musiyum ingkang ngempalaken, nyimpen, saha mameraken tilas budaya Amérika ing babagan sosial, pulitik, budaya, sains, sarta militèr. Museum punika wonten ing National Mall, Washington, D.C., Amérikah Sarékat. Pengelolanipun inggih punika Institusi Smithsonian.

Sabibaripun dipunrenovasi antawis kalih taun kanthi béya AS$85 yuta, Museum Nasional Sajarah Amérika dibikak malih wiwit tanggal 21 November 2008. Koleksi utama musiyum inggih punika bendera The Star-Spangled Banner ingkang dados inspirasi Francis Scott Key nalika nyerat puisi "The Star-Spangled Banner".

Wonten ing gedhong musiyum kasimpen Pusat Arsip kanthi total ambanipun rak 3.700 m.[1]

Sajarah[besut | besut sumber]

Museum punika dipunresmikaken nalika taun 1964 kanthi nama Museum Sajarah saha Teknologi (Museum of History and Technology). Museum mapan ing gedung ingkang minangka yasan pungkasan ingkang dipunrancang déning biro arsitèk McKim Mead & White. Nalika taun 1980, musiyum gantos nama dados Museum Nasional Sajarah Amérika (The National Museum of American History). Penggantosan nama punika kanthi pangajab supados musiyum langkung nedahaken ancas musiyum wonten ing babagan pangolahan sarta nyinaoni objek ingkang nyimpen sajarah bangsa Amérika. Ing salebeting koleksi musiyum wonten sepatu ajaib (ruby slippers) ingkang dipunagem Dorothy (Judy Garland) wonten ing filem The Wizard of Oz.

Museum dipuntutup antawis kalih taun wiwit tanggal 5 September 2006 saperlu nindakaken renovasi. Pemugaran dipuntindakaken déning biro arsitèk Skidmore, Owings and Merrill (SOM) saking New York saha Turner Construction, minangka perancang gedung saha palaksana konstruksi. Gladri permanen kanggé bendera The Star-Spangled Banner dipunrancang déning biro desain saking New York, Chermayeff & Geismar sesarengan kaliyan SOM.[2]

Koleksi[besut | besut sumber]

Museum dumunung ing gedung tigang lante. Saben sayapipun gadhah artefak wigati minangka tema utama. Wonten ing antawisipun koleksi utama musiyum kapanggih lokomotif John Bull, teleskop damelan taun taun 1865, Prastawa kafetaria Greensboro utawi méja kafetaria Greensboro, patung George Washington, ambulans Palang Merah Amérika, saha wahana Dumbo Si Gajah Terbang]].

Cathetan suku[besut | besut sumber]

  1. "Archives Center". Diarsip saka sing asli ing 9 July 2012. Dibukak ing 5 December 2008.
  2. "Press Release". National Museum of American History, Smithsonian Institution. Diarsip saka sing asli ing 2008-08-07. Dibukak ing 30 Juli 2008.

Pranala njaba[besut | besut sumber]