Narji
| Narji | |
|---|---|
 | |
| Lair | Sunarji Agustus 10, 1977 Brebes, Jawa Tengah, Indonesia |
| Bangsa | Indonesia |
| Pakaryan | Artis, Pelawak |
| Taun aktif | 1997 - saiki |
| Bojo | Widiyanti |
Narji (lair ing Brebes, 10 Agustus 1977; umur 47 taun; duwé jeneng dawa Sunarji).[1] Narji iku pelawak Indonesia kang nggabung ing kelompok lawak Cagur.[1] Amarga nggabung ing kalompok lawak iki, Narji misuwur kanthi jeneng Narji Cagur.[1]
Trio Cagur alias kalompok humor kang anggotane iku para Calon Guru amarga nalika iku kabéh anggotané mahasiswa Universitas Negeri Jakarta.[1] Cagur iku duwé anggota Narji, Bedu, lan Denny Cagur.[1] Narji lan Denny Cagur kuliyah ing jurusan ékonomi, dené Bedu kuliyah ing jurusan teknik sipil.[1] Wiwitan karir kateluné iki nalika menang dadi juwara III Lomba Humor Ala Mahasiswa (HAM) kang diananakaké Pepeng 'Jari-Jari' lan RCTI nalika taun 1997.[1] Sawisé telung taun, Cagur banjur mèlu lomba Humor Nasional kang dianakaké Lembaga Hunor Indonésia (LHI).[1] Acara iki ndadèkaké Cagur menang dadi juwara telu.[1] Katelune kerep dadi presenter ing acara Kontak Jodoh kang disiyaraké ing SCTV.[1] Sanajan ngono Narji kerep uga tampil dhewékan.[1] Narji tau tampil dadi Panglima Perang Républik BBM ing acara Républik BBM kang disiyaraké ing Indosiar.[1] Narji uga tau dadi bintang tamu ing sitkom OB.[1] Narji uga tau dadi presenter ing acara Akhirnya Datang Juga Plus-Plus.[1] Narji nikah karo pacaré sawisé pacaran kang suwené telung taun.[1] Narji nikah karo wong wadon kang jenengé Widiyanti utawa kang kondhang kanthi jeneng Diyan.[1] Diyan iku duwé profesi dadi pramugari.[1] Narji lan Diyan nikah nalika tanggal 10 Fèbruari 2008.[1] Akad nikah dianakaké ing Pekalongan, Jawa Tengah. Kekaroné nikah nganggo adat Jawa.[1] Dené resepsiné dianakaké ing Jakarta.[1] Nalika sasi pasa Narji uga kerep éntuk job kanggo nglawak.[2]
Cathetan suku
[besut | besut sumber]
| Artikel iki minangka artikel rintisan. Kowé bisa ngéwangi Wikipédia ngembangaké. |