Musiyum Keris Nusantara
 | |
| Dikukuhaké | 9 Agustus 2017 |
|---|---|
| Pernah | Dalan Bhyangkara, Laweyan, Surakarta |
| Kolèksi | Keris lan maneka warna sanjata pusaka |
| Pandarbé | Pamrentah Kutha Surakarta Dinas Kebudayaan lan Pariwisatan Kutha Surakarta |
Musiyum Keris Nusantara utawa Musiyum Keris yaiku salah sijining panggon wisata pendhihikan awujud musiyum ing Kutha Surakarta. Musiyum iki diresmiake dening Présidhèn Joko Widodo ing 9 Agustus 2017. Musiyum iki diopeni Pamrentah Kutha Surakarta dening Dinas Kebudayaan lan Pariwisata Kutha Surakarta.[1]
Kahanan
[besut | besut sumber]
Musiyum Keris Nusantara manggon ing Dalan Bhayangkara, Laweyan, Surakarta. Musiyum Keris dibangun ing bekas Griya Sakit Mangunjaya sing isih dadi bagiyan saking Kompleks Sriwedari. Musiyum Keris nyimpen 409 koleksi keris. Sak liane keris, uga ana 38 koleksi tombak lan maneka warna pusaka sing dadi koleksi Musiyum Keris. Musiyum Keris dibangun nganggo anggaran saka APBN, APBD, lan donatur.[2]
Bangunan musiyum duwe bentuk trapesium kaya Candhi Sukuh sing manggon ing Karanganyar. Bagiyan njero musiyum dihias dening ornamen-ornamen saka kayu warna emas ing sudut-sudut bangunan musiyum.[3] Ing sisih ngarep bangunn musiyum, uga ana replika relief Candhi Sukuh ing sisih kiwa lan tengen pintu mlebu musiyum. Candhi Sukuh dijupuk dadi sumber arsitektur musiyum amarga ing Candhi Sukuh ana relief proses nggawe keris sing isa dituladhani dening Musiyum Keris Nusantara ben isa dadi panggon informasi lan pendhidhikan babagan keris lan maneka warna sanjata tradisional liane.[4]
Kegiyatan
[besut | besut sumber]Ing Musiyum Keris, pangunjung isa sinau babagan sejarah keris lan maneka warna sanjata tradisional ing Indhonésia. Pangunjung uga isa sinau babagan proses nggawe keris tradisional karo sinau menyang video keris ing Indhonésia sing wis dicepakake dening pangurus musiyum.[3] Musiyum Keris dibagi dadi lima lantai, lan papat lantai dadi ruang koleksi musiyum. Ruang koleksi musiyum ana ing lantai loro,telu, papat, lan lima. Lantai loro uga kasebut wedaring wacana, lantai telu uga kasebut purwaning wacana, lantai papat uga kasebut cipta adiluhung, lan lantai lima uga kasebut esthining lampah.
Ing lantai wedaring wacana, lantai iki dadi panggon pangenalan anatomi keris, atribut sing ana ing keris, lan fungsi keris ing masyarakat. Sak liane iku, ing wedaring wacana uga ana informasi babagan panyebaran sanjata tradisional sing ana ing dunia. Ing lantai purwaning wacana, pangunjung disuguhi informasi babagan eksistensi keris ing jaman modern, informasi babagan bilah keris (ricikan keris miturut serat centhini, anatomi keris, nganti maneka warna wujud pucuk keris), lan perabot keris (warangka, jejeran, daphur, pendhok, mendak, lan selut). Ing lantai cipta adiluhung, pangunjung disuguhi informasi babagan proses nggawe keris. ing lantai iki ana diorama proses nggawe keris tradisional lan cara nganggo keris ing klambi adat jawa. Ing lantai esthining lampah dadi panggon nyimpen maneka werna keris, lantai iki dadi panggon nyimpen Keris Kiai Tengara, keris hibah saking Présidhèn Joko Widodo.[5][6][4]
Rujukan
[besut | besut sumber]- ↑ "Museum Keris Nusantara - Sistem Registrasi Nasional Museum". Sistem Registrasi Nasional Museum Kemdikbud (ing basa Indonesia). Dibukak ing 2023-09-29.[pranala mati permanèn]
- ↑ "Presiden Resmikan Museum Keris Nusantara Surakarta" (ing basa Indonesia). Dibukak ing 2023-09-29.
- ↑ a b Bhumi Persada, RM Ksatria. "Menikmati Koleksi Keris di Museum Keris Nusantara | Indonesia Baik". indonesiabaik.id. Dibukak ing 2023-09-30.
- ↑ a b Wahyuni, Rindy Gita (2022-12-21). "Problematika Pengelolaan Museum Keris Nusantara: Sebuah Gagasan Mengenai Arah Pengembangan Museum". KRITIS (ing basa Indonesia). 31 (2): 106–131. doi:10.24246/kritis.v31i2p106-131. ISSN 2579-5651.
- ↑ Ciputra, William (2022-02-13). "Museum Keris Nusantara: Lokasi, Sejarah, Koleksi, Jam Buka, dan Harga Tiket Masuk". KOMPAS.com (ing basa Indonesia). Dibukak ing 2023-09-29.
- ↑ "Mengenal Berbagai Keris Nusantara di Museum Keris Solo". Badan Otorita Borobudur (ing basa Indonesia). 2021-06-10. Dibukak ing 2023-09-30.