Musiyum Biologi

Saka Wikipédia Jawa, bauwarna mardika basa Jawa
(Kaelih saka Museum Biologi UGM)
Loncat ke navigasi Loncat ke pencarian

Koordhinat: 7°48′06″S 110°22′27″E / 7.801683°S 110.374115°E / -7.801683; 110.374115

Musiyum Biologi Universitas Gadjah Mada
Musiyum Biologi UGM
Tetélan pokok
KuthaYogyakarta
NagaraIndonésia

Musiyum Biologi Universitas Gadjah Mada punika musiyum ingkang mapan wonten ing Jl. Sultan Agung 22, Kacamatan Mergangsan, Yogyakarta. Musiyum punika kalebet musiyum kanggé pambelajaran alam kanthi koleksi langkung saking 4.000 spésimèn kalebet koleksi awetan kéwan lan tuwuhan. Musiyum ingkang dipunkelola déning Fakultas Biologi UGM punika kabikak kanggé umum lan dipunkepyakaken ing tanggal 20 September 1969. Sapunika, Musiyum Biologi UGM punika dipunpimpin déning Ludmilla Fitri Untari, S.Si, M.Si lan dipunbiyantu déning tigang staf inggih punika: Subakir, Ratgiyanto, SE, saha Ida Suryani, SS [1].

Musiyum Biologi punika dipunrintis awit saking wontenipun Musiyum Zooligicum nalika taun 1964 mapan wonten salah satunggaling ruwang ing Sekip, Sléman, Yogyakarta ing jero kampus UGM lan dipunpimpin déning Prof. drg. R. G. Indrojono. Ugi koleksi herbarium ingkang ngenggeni sapérangan gedung ing Jl. Sultan Agung 22, Yogyakarta kapimpin déning Pro. Ir. Moeso Suryowinoto. Pangelolaan musiyum kekalih punika dipuntangani déning Fakultas Biologi ingkang kala punika mapa wonten Dalem Mangkubumen, Ngasem, Yogyakarta lan kawéntar kanthi nama fakultas-fakultas kompkes Ngasem. Kolèksi kéwan lan tuwuhan kala punika asalipun saking Seski Zoologi lan Anatomi Fakultas Kedhokteran UGM lan Seksi Botani Fakultas Pertanian UGM [1].

Awit prakarsanipun Dekan Fakultas Biologi ingkang kala punika dipunjabat déning Ir. Soerjo Sodo Adisewoyo ing tanggal 20 September 1969 nalika pengetan Dies Natalis Fakultas Biologi Musiyum Biologi dipunresmekaken déning Rektor UGM saha pamrakarsa musiyum punika, Prof. Drg. R. G. Indroyono lan Drs. Anthon Sukahar minangka tim pelaksana. Musiyum punika wiwit kabikak kanggé umum tanggal 1 Januari 1970 inggih punika 5 wulan sasampunipun dipunkepyakaken [1][2].

Kolèksi[besut | besut sumber]

Wonten ing Musiyum Biologi punika wonten èwunan kolèksi musiyum ingkang wujud koleksi herbarium utawi awet-awetan ingkang teles lan garing saking manéka fauna lan flora. Cacahing kolèksi ing musiyum punika kirang langkung dumugi 3.700 spésies kanthi rincian 70% punika kalebet preparat tuwuhan, déné ingkang 30% preparat kéwan [2]. Koleksi ingkang wonten ing musiyum punika dipun-ginakaken dados sarana pasinaon kanggé para dhosèn, mahasiswa, pelajar, lan umum.

Cathetan suku[besut | besut sumber]

  1. a b c [1], (id) http://biologi.ugm.ac.id Musiyum Biologi UGM (dipun-akses tanggal 28 Dhésèmber 2012).
  2. a b [2], (id) Musiyum Biologi UGM (dipun-akses tanggal 29 Dhésèmber 2012).