Muséum Nasional Sejarah Amerika

Saka Wikipédia Jawa, bauwarna bébas abasa Jawa
National Museum of American History
Diadegaké 1964
Lokasi Flag of the United States.svg Washington, D.C.
Jinis Sejarah Amerika Serikat
Situs wèb www.narahaku.go.jp

Museum Nasional Sejarah Amerika (The National Museum of American History, utawi NMAH) inggih punika muséum ingkang ngempalaken, nyimpen, saha mameraken peninggalan budaya Amerika ing bidang sosial, pulitik, budaya, sains, sarta militer. Museum punika wonten ing National Mall, Washington, D.C., Amerika Serikat. Pengelolanipun inggih punika Institusi Smithsonian.

Sabibaripun dipunrenovasi antawis kalih taun kanthi bea AS$85 yuta, Museum Nasional Sejarah Amerika dibikak malih wiwit tanggal 21 November 2008. Koleksi utama muséum inggih punika bendera The Star-Spangled Banner ingkang dados inspirasi Francis Scott Key nalika nyerat puisi "The Star-Spangled Banner".

Wonten ing gedhung muséum kasimpen Pusat Arsip kanthi total ambanipun rak 3.700 m.[1]

Sajarah[besut | besut sumber]

Museum punika dipunresmikaken nalika taun 1964 kanthi nama Museum Sejarah saha Teknologi (Museum of History and Technology). Museum mapan ing gedung ingkang minangka bangunan pungkasan ingkang dipunrancang déning biro arsitek McKim Mead & White. Nalika taun 1980, muséum gantos nama dados Museum Nasional Sejarah Amerika (The National Museum of American History). Penggantosan nama punika kanthi pangajab supados muséum langkung nedahaken ancas muséum wonten ing babagan pangolahan sarta nyinaoni objek ingkang nyimpen sajarah bangsa Amerika. Ing salebeting koleksi muséum wonten sepatu ajaib (ruby slippers) ingkang dipunagem Dorothy (Judy Garland) wonten ing film The Wizard of Oz.

Museum dipuntutup antawis kalih taun wiwit tanggal 5 September 2006 saperlu nindakaken renovasi. Pemugaran dipuntindakaken déning biro arsitek Skidmore, Owings and Merrill (SOM) saking New York saha Turner Construction, minangka perancang gedung saha palaksana konstruksi. Galeri permanen kangge bendera The Star-Spangled Banner dipunrancang déning biro desain saking New York, Chermayeff & Geismar sesarengan kaliyan SOM.[2]

Koleksi[besut | besut sumber]

Museum dumunung ing gedung tigang lante. Saben sayapipun gadhah artefak wigati minangka tema utama. Wonten ing antawisipun koleksi utama muséum dipunpanggihaken lokomotif John Bull, teleskop damelan taun taun 1865, Prastawa kafetaria Greensboro utawi meja kafetaria Greensboro, patung George Washington, ambulans Palang Merah Amerika, saha wahana Dumbo Si Gajah Terbang]].

Cathetan Suku[besut | besut sumber]

  1. ^ "Archives Center". Retrieved 5 December 2008. 
  2. ^ "Press Release". National Museum of American History, Smithsonian Institution. Retrieved 30 Juli 2008. 

Pranala Njaba[besut | besut sumber]