Muhammad Yusuf Chudlori
K.H. Muhammad Yusuf Chudlori utawi langkung misuwur kanthi asma Gus Yusuf (lair ing Kabupatèn Magelang, Jawa Tengah, 9 Juli 1973; umur 51 taun) inggih punka salah satunggalipun budayawan lan ulama saking Indonésia. Piyambakipun punika pamong Asrama Perguruan Islam (API) Pondok Pesantren Salafi Tegalrejo, Magelang lan Katuwa Dewan Pimpinan Wilayah (DPW) Parté Kebangkitan Bangsa Jawi Tengah.[1][2][3][4][5]
Latar wingking
[besut | besut sumber]Gus Yusuf lair ing Kabupatèn Magelang, Jawi Tengah, surya 9 Juli 1973. Piyambakipun punika pamongipun Asrama Perguruan Islam (API) Pondok Pesantren Salafi Tegalrejo, Magelang ingkang dipunadegaken déning K.H. Chudlori rikala taun 1944. Gus Yusuf pikantuk kapracayan minangka pangemunah API Tegalrejo sasampunipun kang raka, K.H Abdurahman Chudlori (Mbah Dur), tilar donya ing padha 2011 kanthi ngayahi jejibahan ing pérangan urusan antarlembaga.
Pesantrèn punika naté dados papan panggènanipun ngangsu kawruh Présidhèn kaping sekawan Republik Indonesia, Abdurrachman Wahid. Rikala samanten, putra pembareipun, Mbah Dur, nerasaken mangemunah wiwit taun 1977 dumugi 2011. Awit sédanipun K.H. Chudlori séda, Gus Yusuf dipunmong déning Mbah Dur. Sarampungipun saking sekolah dhasar taun1985, Gus Yusuf nerasaken pados ngèlmu agama ing Pondok Pesantren Lirboyo Kediri dumugi taun 1994. Salajengipun piyambakipun nerasaken wonten Pesantren Salafiyah Kedung Banteng Purwokerto, Pesantren Salafiyah Bulus Kebumèn. Mlebet mangsa gonjang-ganjing reformasi 1998, Gus Yusuf nyawiji kaliyan sapérang organisasi kemasyarakatan lan mahasiswa saperlu ndhèrèk unjuk raos. Ing taun 1998, Mbah Dur ngaturi Gus Yusuf supados mlebet ing parté pulitik ingkang dipunadegaken sesarengan Gus Dur, inggih punika Parté Kebangkitan Bangsa.
Taun 1999 dumugi 2007 piyambakipun mangarsani Dewan Pimpinan Cababg (DPC) PKB Kabupatèn Magelang. Ing 2007 nalika wonten prakawis salebetipun parté antawisipun Gus Dur lan Muhaimin Iskandar, piyambakipun kadhapuk minangka pangarsa sawatawis Katuwa DPW PKB Jawi Tengah. Piyambakipun naté "lèngsèr sawatawis" saking PKB lan lelabet malih ing taun 2013 minangka Katuwa DPW PKB Jawa Tengah.
Kajawi babagan agama, Yusuf Chudlori ugi nglampahi kiprah ing jagating seni lan kabudayan kanthi ngawontenaken pahargyan seni-budaya kanthi sesirah Suran Tegalrejo saben taun. Gus Yusuf ugi mangemunah stasiyun radio Fast FM ingkang giyaranipun ngandhut adicara kanggé nèm-nèman. Sesarengan kaliyan Sutanto Mendut, piyambakipun nyengkuyung adicara Komunitas Lima Gunung. Saben wanci wulan Romadon, Yusuf Cudlori asring dipunulemi minangka narasumber ing adicara Pelita Hati Metro TV ingkang pambiwaranipun Prie GS
Ugi pirsani
[besut | besut sumber]Rujukan
[besut | besut sumber]- ↑ Suara Merdeka: Gus Yusuf: Berpolitik Bukan untuk Kejar Takhta Archived 2017-06-18 at the Wayback Machine., kapundhut 16 Mèi 2017
- ↑ Tirto: Gus Yusuf Chudlori Maafkan Pelaku Bom di Tegalrejo Magelang, kapundhut 16 Mèi 2017
- ↑ Nahdlatul Ulama: Gus Yusuf: Pesantren Benteng Pertahanan Aswaja, kapundhut 16 Mèi 2017
- ↑ Nasional News Viva: Santri di Ponpes Tegalrejo Gelar Salat Goib, diakses 16 Mèi 2017
- ↑ Cyber Dakwah: KH Yusuf Chudlori: Santri Sudah Punya Syarat Jadi Pengusaha Sukses, diakses 16 Mèi 2017
 | Artikel biografi iki minangka artikel rintisan. Kowé bisa ngéwangi Wikipédia ngembangaké. |