Mochammad Sanoesi

Letnan Jenderal Pulisi Mochammad Sanoesi (lair ing Bogor, Jawa Barat, 15 Fèbruari 1935 – pati ing Jakarta, 26 Dhésèmber 2008 ing umur 73 taun)^[1] inggih punika Kepala Kepulisian Républik Indonésia wiwit 7 Juni 1986 dumugi 19 Fèbruari 1991.

Lulusan PTIK Angkatan VII punika lajeng dipunlantik dados Komisaris Pulisi II. Salajengipun, piyambakipun ngangsu kawruh wonten ing International Police Academy, Amérikah Sarékat (1969). Piyambakipun ugi ndhèrèk pendidikan kariér sanèsipun wonten ing Kepulisian Républik Indonésia (Polri) lan ABRI, kados déné Seskopol (1970) lan Sesko ABRI-Gabungan (1976). Nanging, karier Sanoesi wonten ing dinas kepulisian kawiwitan wiwit njabat minangka Komandan Resort Kepulisian 1051 Madiun (1963-1968). Lajenng njabat Kastaf Komdin 104 Kediri (1968-1972) lan Paban III/Litbang, Komandan Pusat Kesenjataan Administrasi lan Kastaf Kobangdildat Polri (1972-1981).^[2]

Biografi

Kapolri Moch Sanoesi gadhah pamanggih bilih wonten ing nindakaken tugasipun Polri kedah ngoptimalaken sadaya poténsi ingkang wonten, inggih saking dhiri pribadi punapa déné ingkang wonten ing masarakat. Kajawi punika sadaya poténsi ingkang wonten ugi kedah dipundinamisir supados saged nyengkuyung tugas-tugas polri. Saking babagan punika lajeng Sanoesi minangka Kapolri nyanangaken sesanti Optimasi lan Dinamisasi ingkang salajengipun kawéntar kanthi istilah Opdin.^[3]

Saking pengalaman nglamaphi tugas wonten ing kewewengkonan lan wonten ing babagan pendidikan punika, piyambakipun ningali saperlu ningkataken kualitas sumber daya manungsa wonten ing lingkungan Polri dipunbetahaken penyempurnaan mekanisme lan sistem pendidikan Polri. Lajeng, piyambakipun ngajukaken wawasan bilih wonten ing nindakaken tugas-tugasipun Polri mutlak kedah dipunlandhesi kaliyan panganggoan ngèlmu lan teknologi. Saéngga, miyos falsafah Vidya Satyatama Mitra, ingkang ateges, Pengetahuan inggih punika Sahabat Paling Setya. Supados wawasan punika dipunengeti terus, lajeng dipunpapanaken ing Pataka Kobangdildat Polri awujud sasanti Widya Satyatama Mitra.

Nalika Sanoesi njabat Kadis Litbang Polri (1981-1982), peran Iptek samsaya dados pengasah profesionalisme Polri. Kadosta, wekdal punika, Sanoesi ngajak sajumlah nimpuna manéka disiplin ngèlmu saking Universitas Indonésia saperlu ngrumusaken deskripsi babagan masarakat saking diménsi Kamtibmas. Pendidikan lan Iptek punika ingkang dados modal lan pengalaman ingkang awrat wonten ing ndinamisasikaken tanggel jawabipun minangka Kapolda Kalimantan Selatan lan Kalimantan Tengah (1982-1984). Wonten ing Kalimantan punika piyambakipun nindakaken pirembagan kaliyan para tokoh masarakat, utamanipun tokoh agama, wonten ing nguri-uri Kamtibmas. Piyambakipun lajeng dipunangkat dados Asisten Kepala Staf Umum ABRI Babagan Kamtibmas (Askamtibmas Kasum ABRI) taun 1984-1985, lajeng dados Kapolda Jawa Tengah (1985).^[4]

Nalika njabat Askamtibmas Kasum ABRI, Sanoesi dipundhawuhi saperlu nyungsun Strategi Pembinaan Kamtibmas jangka sedang (1984-1988). Naskah punika ingkang samangke dados embrio saking penggelaran Strategi Opdin (Optimasi lan Dinamisasi) nalika Sanoesi njabat Kapolri. Strategi Opdin punika ugi dipunmaksudaken minangka “benang merah” kalajengan saking kekalih Strategi Kapolri saderengipun, inggih punika "Pola Dasar Pembenahan Polri" déning Kapolri Jenderal Pol DR Awaloedin Djamin MPA, lan "Rencana Konsolidasi lan Fungsionalisasi (Rekonfu)" déning Kapolri Jenderal Pol Anton Soedjarwo.

Sedaya punika dhedhasar wonten ing kasadharanipun bilih prosès pembangunan Polri lan citranipun wonten ing masarakat sanès minangka prosés ingkang dipunlampahi kanthi pedhot-pedhot, nanging minangka sawijining prosès pembangunan ingkang sinambungan lan konsisten. Saking sagenep pengabdianipun, antawisipun Sanoesi pikantuk Bintang Dharma, Bintang Bhayangkara Utama, lan Bintang Yudha Dharma Nararya. Déné saking donya internasional piyambakipun pikantuk Bintang Pratama Born (Thailand), Bintang Panglima Satya Makutha (Malaysia) lan Comandeur de la Legian D'honneur.

Moch. Sanoesi tilar donya wonten ing griya sakit Medistra, tanggal 27 Dhésèmber 2008.^[5]

Cathetan suku

↑ "Archive copy". Diarsip saka sing asli ing 2008-02-02. Dibukak ing 2013-02-16.{{cite web}}: CS1 maint: archived copy as title (link)
↑ http://www.muséum.polri.go.id/kapolri10-moch-sanusi.html^{[pranala mati permanèn]}
↑ http://dewey.petra.ac.id/jiunkpe_lb_2212579.html^{[pranala mati permanèn]}
↑ http://jdih.ristek.go.id/?q=perundangan/konten/681^{[pranala mati permanèn]}
↑ http://news.detik.com/read/2008/12/27/091947/1059893/10/mantan-kapolri-mochamad-sanusi-wafat

Didhisiki déning:
Anton Soedjarwo

{{{jabatan}}}
1986–1991

Diganti déning:
Kunarto

[1] "Archive copy". Diarsip saka sing asli ing 2008-02-02. Dibukak ing 2013-02-16.{{cite web}}: CS1 maint: archived copy as title (link)

[2] ttp://www.muséum.polri.go.id/kapolri10-moch-sanusi.html^{[pranala mati permanèn]}

[3] ttp://dewey.petra.ac.id/jiunkpe_lb_2212579.html^{[pranala mati permanèn]}

[4] ttp://jdih.ristek.go.id/?q=perundangan/konten/681^{[pranala mati permanèn]}

[5] ttp://news.detik.com/read/2008/12/27/091947/1059893/10/mantan-kapolri-mochamad-sanusi-wafat

[1]

[2]

[3]

[4]

[5]