Mitchel Wongsodikromo

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Mitchel Wongsodikromo badminton Suriname.jpg

Mitchel Wongsodikromo (lair 26 Agustus 1985) iku pamain lan pelatih badminton saka Surinam, kang asli Jawa. Dhèwèké wis tau mlebu Pan-American Games ping telu: 2003, 2007 lan 2011 makili Surinam. Minangka pamain nom ing klub Tan Na Fesi ing Paramaribo, Surinam, Wongsodikromo iku pamain kang menang ing akèh kompetisi, mula kapilih makili nagarané ing kompetisi mancanagara. Dhèwèké menang akèh medhali juniyor ing turnamèn-turnamèn ing Karibiyah, Amérikah Tengah, lan Kidul. Dhèwèké kerep menang tetandhingan dhobel mawa pasangan Virgil Soeroredjo.

Prèstasi ing Surinam lan ing jaban rangkah[besut | besut sumber]

Ing 2002, Wongsodikromo bareng Soeroredjo menang medhali prunggu ing Central American and Caribbean Games, ing San Salvador. Menangé wektu iku ingaran ngedab-edabi amarga wektu iku leloroné lagi umur 17 taun. Ing 2005, Wongsodikromo dadi salah sijiné anggota tim Surinam kang menang medhali prunggu ing Caribbean Team Event ing Kubah.

Wongsodikromo menang limang gelar ing National Tunggal Putra, ing 2003, 2005, 2009, 2010 lan 2012.[1] Ing mancanagara, dhèwèké dadi juwara Dhobel Putra ing Suriname International Badminton Tournament ping telu ing 2008, 2009 lan 2011.[2] Dhèwèké uga dadi juwara ing Dhobel Campuran ping pindho ing 2009 lan 2012. Ing 2010, Wongsodikromo lan Soeroredjo tekan ing final ing turnamèn Bill Graham Miami International,[3] banjur ing 2011 tekan ing sèmi-final. Ing 2011, dhèwèké menang Suriname International[4] lan Carebaco International, ing babagan Dhobel Putra lan Dhobel Campuran.[5][6] Ing Maret 2010, Wongsodikromo mlebu tim Surinam kang menang medhali prunggu Tim Campuran ing South American Games ing Medellin.[7] Bareng Crystal Leefmans, kang uga wong Surinam, dhèwèké menang medhali prunggu siji manèh ing babagan Dhobel Campuran Indhividhu. Ing Juli 2010, Wongsodikromo lan Soeroredjo menang medhali kang siji-sijiné kanggo Surinam, prunggu ing Central American and Caribbean Games. Ing 2012, Wongsodikromo dadi anggota tim putra Surinam kawitan kang mlebu pambuka Thomas Cup, ing Los Angeles.

Réferènsi[besut | besut sumber]

  1. http://www.sportxmagazine.com/2012/11/13/leefmans-en-wongsodikromo-winnen-nationale-kampioenschap/
  2. http://bwf.tournamentsoftware.com/sport/winners.aspx?id=C4D43B61-F088-496F-9C96-3A6AFB25F9DE
  3. http://bwf.tournamentsoftware.com/sport/winners.aspx?id=D8716EE6-2747-4880-B93B-60C55CF4E457
  4. http://bwf.tournamentsoftware.com/sport/winners.aspx?id=C4D43B61-F088-496F-9C96-3A6AFB25F9DE
  5. http://bwf.tournamentsoftware.com/sport/draw.aspx?id=AA5E27F2-A37D-429D-8F4A-ABEE637883EB&draw=9
  6. http://bwf.tournamentsoftware.com/sport/draw.aspx?id=AA5E27F2-A37D-429D-8F4A-ABEE637883EB&draw=9
  7. Badminton at the 2010 South American Games