Yves Leterme

Yves Leterme
Yves Leterme
Miyos	Wervik, 6 Oktober 1960
Jabatan	Perdana Menteri Belgia

Yves Leterme

Yves Camille Désiré Leterme (lair ing Wervik, 6 Oktober 1960) iku pulitikus Belgia, anggota Parté Kristen Dhémokrat Flandria (CD&V), lan wiwit 20 Maret 2008 dadi Perdana Menteri Belgia. Sadurungé dhèwèké wis dadi Wakil Perdana Menteri lan Menteri Keuangan, Réformasi Institusional, Perhubungan saha Urusan Segara Lor ing pamaréntahan féderal Belgia. Dhèwèké uga tau dadi Perdana Menteri Flandria lan Menteri Pertanian lan Perikanan Flandria.

Yves Leterme iku pilihan sing arep diangkat dadi Perdana Menteri Belgia sawisé pemilu ing taun 2007. Ing tanggal 26 Juni 2007, dhèwèké ngundhur dhiri saka jabatan Perdana Menteri Flandria lan diganti déning Kris Peeters. Ing tanggal 16 Juli 2007, Leterme ditunjuk dadi formatur koalisi pamaréntahan anyar. Nanging nganti tanggal 1 Desember 2007 ora bisa-bisa. Wusanané dhèwèké diangkat dadi Perdana Menteri ing tanggal 20 Maret 2008.

Latar wuri

Yves Leterme iku lair ing Wervik cedhak wates antara Prancis lan Belgia. Bapané wong Walonia sing abasa Prancis kamangka ibuné wong Flandria sing abasa Walanda. Yves dhéwé bisa loro-loroné. Yves dididik mawa agama Katulik.

Yves Leterme omah-omah karo Sofie Haesen lan pinaringan putra telu.

Pranala njaba

• (ing basa Walanda) Situs wèb pribadi