Yves Leterme

Saka Wikipédia Jawa, bauwarna bébas abasa Jawa
Yves Leterme

Yves Leterme
Miyos Wervik, 6 Oktober 1960
Jabatan Perdana Menteri Bèlgi
Yves Leterme

Yves Camille Désiré Leterme (lair ing Wervik, 6 Oktober 1960) iku pulitikus Bèlgi, anggota Parté Kristen Dhémokrat Flandria (CD&V), lan wiwit 20 Maret 2008 dadi Perdana Menteri Bèlgi. Sadurungé dhèwèké wis dadi Wakil Perdana Menteri lan Menteri Keuangan, Réformasi Institusional, Perhubungan saha Urusan Segara Lor ing pamaréntahan féderal Bèlgi. Dhèwèké uga tau dadi Perdana Menteri Flandria lan Menteri Pertanian lan Perikanan Flandria.

Yves Leterme iku pilihan sing arep diangkat dadi Perdana Menteri Bèlgi sawisé pemilu ing taun 2007. Ing tanggal 26 Juni 2007, dhèwèké ngundhur dhiri saka kalungguhan Perdana Menteri Flandria lan diganti déning Kris Peeters. Ing tanggal 16 Juli 2007, Leterme ditunjuk dadi formatur koalisi pamaréntahan anyar. Nanging nganti tanggal 1 Dhésèmber 2007 ora bisa-bisa. Wusanané dhèwèké diangkat dadi Perdana Menteri ing tanggal 20 Maret 2008.

Latar wuri[besut | besut sumber]

Yves Leterme iku lair ing Wervik cedhak wates antara Prancis lan Bèlgi. Bapané wong Walonia sing abasa Prancis kamangka ibuné wong Flandria sing abasa Walanda. Yves dhéwé bisa loro-loroné. Yves dididik mawa agama Katulik.

Yves Leterme omah-omah karo Sofie Haesen lan pinaringan putra telu.

Pranala njaba[besut | besut sumber]