Marius Barbeau

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Charles Marius Barbeau
Marius Barbeau1.jpg
Lair (1883-03-05)Maret 5, 1883
Ste-Marie-de-Beauce (later Sainte-Marie), Quebec, Kanada
Pati Fèbruari 27, 1969(1969-02-27) (umur 85)
Ottawa, Ontario, Canada
Bangsa Canadian
Pakaryan etnograper, folkloris
Bebungah Order of Canada

Marius Barbeau ya iku ahli Antropologi saka quebec, Kanadha[1]. Barbeau olèh pandhidhikan antropologi saka Universitas Oxford (Diploma Antropologi) taun 1910. Sabanjuré Barbeau olèh bèasiswa ana ing Universitas Oxford kanggo nerusaké tingkat pandhidhikané[2]. Karenan panalitèn Barbeau kang kapisan iku ing wong Huron kang dumunung ing Kanada Wétan[3]. Panalitèn lapangan antropologi wis tau diayahi ing Ontario kidul lan Oklahoma (1911-1912), Kanada, Timshian, Skeena, Stoney, Kootenay, Nass, Alaska, lan Iroquois[1][2]. Tulisan-tulisan élmiah kang wis diterbitké antarané Huron and Wyandot Mythology (1915), Folk Songs of French Canada (1925), Totem Poles of the Gitksan (1929), Haida Myths (1953)[1][2]. Barbeau bareng karo rong kancané ya ku Edward Sapir lan Diamond Jenness dadi pelopor ngrembakané èlmu antropologi ing Kanada lan dadi antropolog kang profèsional. Dhèwèké dadi dhosén ing Laval University ing kutha Quebec awit taun 1942 nganti 1954[1]. Barbeau akéh nliti folklor ing Quebec lan Ètnologi Kolombia Inggris. Lapuran panalitèn ètnografiné akèh ngenani bab folklor kaya ta tembang-tembang, tradhisi lisan, sujarah lisan, mitos tradhisional, tatahan, lan totem. Barbeau dadi tokoh antropolog Kanada amarga dhèwèké duwé pangaribawa panemu kuwat ing tradhisi antropologi Kanada[1][2].

Rujukan[besut | besut sumber]

  1. a b c d e Amit, Vered, (ed) (2004). Biographical Dictionary of Social and Cultural Anthropology. London: Routledge. kk. 39–40. ISBN 020364459X. OCLC 436848672. 
  2. a b c d "Barbeau's Story". Canadian Museum of History. Dijupuk 2017-11-11. 
  3. "Marius Barbeau". Canadian Museum of History. Dijupuk 2017-11-11.