Lviv
| |||||||
| Katrangan cekak | |||||||
|---|---|---|---|---|---|---|---|
| Taun dadi: | 1353 | ||||||
| Jembar: | 171 km² | ||||||
| Padunung: | 758.900 jiwa | ||||||
| Alamat balé kutha: |
pl. Rynok 1 79000 M. Lviv | ||||||
| Situs wèb resmi: | www.city-adm.lviv.ua Archived 2011-02-25 at the Wayback Machine. | ||||||
| Pulitik | |||||||
| Walikutha: | Андрій Садовий (Andriy Sadovy) | ||||||
L'viv (Львів ing basa Ukraina; Львов, Lvov ing basa Ruslan; Lwów ing basa Polen; Leopolis ing basa Latin; Lemberg ing basa Jerman utawa Lemberk ing basa Yiddish) iku siji kutha ing Éropa-Wétan kang saiki dikuwasani Ukraina lan papané ana ing kuloning Nagara iki, cedhak pawatesan karo Polen. Kutha iki kang ndunungi ana kurang luwih 758.900 jiwa ing taun 2004 lan ana 200.000 jiwa kang manggon cedhak kutha iki. Kutha iki kutha krajan Oblast Lviv lan siji pusat budaya Ukraina.
Ing kutha iki akèh indhustriné, ana Universitas Lviv, orkèstra filharmonik, lan siji téater opera lan balèt. Pusat kutha iki uga ana ing pratélan warisan donya UNESCO.
Jeneng kutha iki kang akèh mantulaké sajarah kutha iki kang turbulèn.
Étimologi
[besut | besut sumber]Kutha iki tegesé kutha singa, dadi tegesé mèmper Singapura.
Sejarah
[besut | besut sumber]Kutha iki didhirikake ing abad 13 lan wiwit entuk hak-hak kutha ing taun 1353. Rikala iku kutha iki diduweni dening Polandia, nanging didhirikake dening wong Rutenia(sebangsa suku Ukraina). Banjur nalika Polandia didum watara Prusia, Austria lan Rusia ing taun 1772, kutha iki tiba menyang jero kakuwasan Austria lan didadekake ibu kutha karajan Galisia lan Lodomeria. Banjur ing taun 1914, ing awal Perang Donya onya I, kutha iki dikepung dening wadya Rusia nanging ora kasil direbut. banjur ing taun 1918, ing kutha iki diproklamasikan "Republik Ukraina Kulon" karo Lviv dadi ibu kuthane. Nanging, pungkasane kutha iki kang nduweni mayoritas pandhudhuk Polandia, diwenehake marang Polandia kang anyar mardika. kutha iki banjur ditepang karo jeneng Lwów.
Pêrang Donya II
[besut | besut sumber]Ing taun 1939, Polandia diperang watara Jerman Nazi lan Uni Sovyet. Kutha Lviv diwenehake marang Uni Sovye lan dilebokake menyang Republik Sosialis Ukraina. Pandhudhuke kang keturunan polandia banjur dideportasi. Nanging, ing taun 1941, Jerman Nazi nguwasani kutha iki bali lan sawise taun 1945, Garis Curzon ditetepake lan status definitif kutha iki ditetepake lan banjur dilebokake menyang Ukraina. Pandhudhuk polandia kang isih kaengah dideportasi menyang laladan anyar Polandia, utamane menyang Breslau (Wrocław).