Lumbini

Saka Wikipédia Jawa, bauwarna mardika basa Jawa
Sana Warisan Donya UNESCO
Lumbini, palairané Sidharta Gotama
Janeng ing Pratélan Warisan Donya
Taman Lumbini
JinisBudaya
Wewatoniii, vi
Rujukan666
Tlatah UNESCOAsia Pasifik
Sujarah prasasti
Prasasti1997 (Sési ke-21)

Lumbini (Sanskerta: लुम्बिनी "ingkang éndah") inggih punika sawijining papan ziarah Buddhis ing dhistrik Kapilavastu-Nepal, caket wates India. Punika inggih papan ing pundi Ratu Mayadevi dipunkisahaken sampun nglairaken Pangeran Siddhartha Gautama, ingkang ing pungkasanipun dipunsebut minangka Buda Gotama, pendiri Ajaran Buda. Sang Buda gesang antawis taun 563 dumugi taun 483 SM. Taman Lumbini inggih punika salah satunggal saking sekawan papan suci kanggé ziarah ingkang sampun wiwit jaman gesangipun Buda Gotama. Tigang papan suci sanèsipun inggih punika dumunung ing Kushinagar, Bodh Gaya, lan Sarnath.

Lumbini dumunung ing ngandhap gunung Himalaya,[1] 25 km sisih wétan kutha Kapilavastu, kraton ing pundi Pangeran Siddhartha nelasaken 29 taun yuswanipun. Kapilavastu inggih punika nama papan mau lan ugi nama saking dhistrik sakitaripun. Lumbini kaggungan sajumlah papan ngibadah, kalebet Wiyara Mayadevi lan wiyara-wiyara sanès ingkang taksih prosès pambangunan. Ing mriki ugi wonten Puskarini utawi Kolam Suci-papan ing pundi ibu Pangeran Siddhartha mendhet ritual siram sadéréngipun nglairaken lan ing pundi Pangeran Siddhartha siram ingkang kapisanan-sarta wonten ugi sisa-sisa pura Kapilavastu. Wonten ing situs sanès caket Lumbini minangka Buda sadéréngipun Buda Gotama, miturut cariyos; lair, pikantuk pencerahan lan pungkasanipun nilaraken wujud keduniawian.

Lokasi Lumbini, Nepal.

Nalika jaman gesangipun Buda[besut | besut sumber]

Nalika jaman gesangipun Buda Gotama, Lumbini inggih punika sawijining tamab ingkang dumunung ing antawisipun Kapilavastu lan Devadaha. Wonten ing mrika Pangeran Siddhartha (calon Buda) lair [2]. Sawijining pilar sapunika jumeneng nandhani titik kunjungan Asoka ing Taman Lumbini. Miturut sawijining prasasti wonten ing pilar mau, pilar punika dipunpapanaken ing mrika déning tiyang-tiyang ingkang tanggel jawab saking taman Lumbini saperlu méngeti kunjungan lan bebungah saking Raja Asoka. Taman punika sadéréngipun misuwur minangka Rummindei, 2 mil sisih lèr Bhagavanpura.

Wonten ing Sutta Nipata (vs 683) dipunsebutaken bilih Buda lair ing sawijining désa saking suku Sakya, ing Lumbineyya Janapada. Sang Buda dumunung ing Lumbinívana ssadangunipun ing Devadaha lan ing mrika Beliau mbabaraken Devadaha Sutta [3]

Gladri[besut | besut sumber]

Cathetan suku[besut | besut sumber]

  1. Kuil Buddha india, Tour Candhi Budha, Candhi Budha di India, Candhi Budha India Tour
  2. Ji52, 54; Kvu.97, 559; AA.i.10; MA.ii.924; BuA.227; Cv.li.10, dll
  3. MA.ii.810

Pranala njaba[besut | besut sumber]