Louis-Jacques-Mandé Daguerre

Saka Wikipédia Jawa, bauwarna bébas abasa Jawa
Louis-Jacques-Mandé Daguerre
Louis-Jacques-Mandé Daguerre
Lair Cithakan:18
Cormeilles-en-Parisis, Val-d'Oise, Prancis
Tilar donya Juli 10, 1851(1851-07-10) (umur 63)
Bry-sur-Marne, Prancis
Dikawruhi amarga prosès pamanggihan daguerreotype
Tapak asma

Louis-Jacques-Mandé Daguerre (17871851) inggih punika salah satunggalipun seniman lan kimiawan saking Prancis ingkang misuwur amargi karyanipun ingkang naminipun prosès fotografi Daguerreotype.[1] Taun 1824, panjenenganipun ngawontenaken uji coba kanggé damel gambar, ngedalaken “pertunjukan diorama” kanthi kliling Prancis, Inggris, lan Skotlandia.[1]

Nalika taksih enèmipun, Daguerre dados seniman. Wonten ing yuswa kinten-kinten 30 (tigang dasa) taun, panjenenganipun ngrancang “diorama”.[2] Diorama inggih punika barisan lukisan pemandhangan ingkang saé sanget, dipunpamèraken kanthi èfèk sinar cahya.[2] Panjenenganipun nggadhahi pamikiran kados pundi damel piranti ingkang saged nglukisaken pemandhangan nanging boten mawi kuas lan cèt.[2] Èkspèrimèn ingkang sepisanan damel rancangan kaméra ingkang dèrèng saged kasil.[2]

Ing taun 1827, panjenenganipun kepanggih kaliyan Joseph Nicephore Niepce ingkang ugi taksih nyobi damel kaméra. Kalih taun salajengipun, Daguerre lan Niepce sesarengan nyobi damel kaméra.[2] Ananging ing taun 1833, Niepce tilar donya. Kapeksa Daguerre nglajengaken damel kaméra piyambak. Pungkasanipun Daguerre saged kasil ngembangaken setunggal sistem praktis fotografi ingkang naminipun “daguerreotype”.[2]

Taun 1839 Daguerre maringi informasi dhumateng bebrayan umum (masarakat) perkawis kaméra punika, ananging dèrèng dipunpatènaken. Pamaréntah Prancis maringi kanugrahan dhumateng Daguerre arupi pènsiun salawasipun gesang.[2] Amargi prastawa punika, Daguerre dados tiyang ingkang sanget dipunurmati déning masarakat lan dipunanggep kados déné pahlawan.[2]

Daguerre tilar donya taun 1851 ing caket kitha Paris, Prancis.[2]

Cathetan suku[besut | besut sumber]

  1. ^ a b (id)Daguerre, Louis Jacques Mande dipunundhuh tanggal 25 Juni 2011)
  2. ^ a b c d e f g h i (id)[Michael H. Hart. 1978. Seratus Tokoh yang Paling Berpengaruh dalam Sejarah. Jakarta: Dunia Pustaka Jaya]

Pranala njawi[besut | besut sumber]