Line

Line (ditulis nganggo aksara gedhé) yaiku aplikasi paguneman instan gratis sing bisa digunakaké ing manéka piranti elektronik, kayata ponsel pinter, tablet, uga komputer. Naraguna Line bisa ngirim teks, gambar, video lan audio, saha nindakake guneman VoIP uga konferensi video gratis. Ora mung kuwi, Line minangka platform sing nyediaaké maneka warna layanan kalebu dompet digital sing diarani Line Pay, streaming warta sing diarani Line Today, video on demand sing diarani Line TV, saha distribusi komik digital sing diarani Line Manga uga Line Webtoon. Layanan kuwi kabeh dioperasikaké dening Line Corporation, Naver Corporation sing dumunung ing Seoul lan anak parusahan Softbank Group sing ana ing Tokyo.