Laura Basuki

Saka Wikipédia Jawa, bauwarna bébas abasa Jawa
Laura Basuki
Laura Basuki.jpg
Pakaryan aktris, model
Taun aktif 2008 - sekarang
Bojo Leo Sanjaya
Wong tuwa Wibowo Basuki dan Thi Kieu Tien Basuki

Laura Basuki ya iku artis wedok saka Jakarta kang lair ing Berlin tanggal 9 Januari 1988. Dhèwèké tau sekolah ing Universitas Atmajaya. Laura Basuki duwéni bobot awak 50 kg lan dhuwure 174 cm.[1]

Laura Basuki mulai main filem ing filem Gara-Gara Bola ing taun 2008. Ing filem kang diprodhuseri déning Nia Danata iku, Laura Basuki dadi bocah bandar judi bola kang lenjeh, wani, tomboi, uga manja. Unike, ing filem iku Laura dituntut ambung-ambungan karo lawan maine, ya iku Herjunot Ali. Amarga profesionalisme, Laura ora nolak tuntutan iku. Amarga filem iku, dhèwèké langsung éntuk pahargyan ing ajang Indonésian Movie Awards minangka aktris anyar paling disenengi déning penontot lan juri. Sadurungen main filem, Laura Basuki uga tau main ing iklan, kaya ta Shinzui, Coca Cola, lan Clean & Clear.

Jan-jane Laura kalebu wong wadon kang menengan lan isinan. Nanging sipaté rada owah sithik nalika dhèwèké mulai mlebu ing modelling lewat sekolah modelling intensif kang dipeloni nalika preinan sekolah. Ora dinyana, sawisé rampung sekolah, Laura ditawari Biyan dadi modhel busana. Saka iku, tawaran ing jagad hiburan mulai akèh. Dhèwèké banjur ditawari kasting kanggo fileme Nia Dinata. Ing filem iku, karakter kang dimainake béda adoh karo watake kang asli. Dhèwèké dituntut dadi wong wedok kang ngrokok lan seneng mendem. Ing taun 2010, Laura didhapuk dadi presenter musik Dahsyat bareng Raffi Ahmad, Luna Maya, lan Olga Syahputra. Ing acara iku, Laura kudu tanpil kenes lan koplak.

Prestasi kang bisa diéntukake déning Laura Basuki ya iku ing ajang Festival Film Indonésia 2010 minangka Ingkang maragani Utama Wanita Terbaik lewat filem 3 Hati 2 Dunia 1 Cinta.

Laura Basuki nikah karo Leo Satrya Sandjaya ing tanggal 25 Juni 2011 ing Gréja Reformed Injili, Kemayoran, Jakarta.[2][3]

Cathetan suku[besut | besut sumber]

  1. ^ selebriti.kapanlagi.com Laura Basuki (diundhuh tanggal 20 Juli 2011)
  2. ^ hot.detik.com Laura Basuki resmi dadi garwane Leo Sanjaya (diundhuh tanggal 20 Juli 2011)
  3. ^ celebrity.okezone.com Laura Basuki dinikahi pengusaha ing hotèl mewah (diundhuh tanggal 20 Juli 2011)