Laskar Pelangi

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Laskar Pelangi
Laskar pelangi sampul.jpg
Panganggit Andrea Hirata
Nagara Indonesia
Basa Indonesia
Gènre Roman
Pangecapan •Yogyakarta: Bentang Pustaka
Tanggal babar
2005
Kaca XI, 529 halaman
ISBN 979-3062-79-7

Laskar Pelangi iku siji novèl pisanan karya Andrea Hirata kang diterbitaké déning Bentang Pustaka taun 2005. Novèl iki carita bab kauripan 10 bocah saka kulawarga prasaja kang sekolah (SD lan SMP) ing siji sekolah Muhammadiyah ing pulo Belitong kang sarwa cumpèn. Bocah-bocah mau ya iku:

  1. Ikal (tokoh aku)
  2. Lintang; Lintang Samudra Basara bin Syahbani Maulana Basara (sang jenius)
  3. Sahara; N.A. Sahara Aulia Fadillah binti K.A. Muslim Ramdhani Fadillah (siji-sijiné murid wadon)
  4. Mahar; Mahar Ahlan bin Jumadi ahlan bin Zubair bin Awam (duwé bakat gedhé dhéwé ing babagan seni lan duwé minat marang donya mistik)
  5. A Kiong;Muhammad Jundullah Gufron Nur Zaman (katurunan Tionghoa)
  6. Syahdan; Syahdan Noor Aziz bin Syahari Noor Aziz (penurut lan kang tansah kalahan)
  7. Kucai; Mukharam Kucai Khairani (sang ketua kelas kang akèh omong)
  8. Borek aka Samson (angka obsesi karo citra macho)
  9. Trapani; Trapani Ihsan Jamari bin Zainuddin Ilham Jamari (lanang paling gantheng lan gumantung marang ibuné)
  10. Harun; Harun Ardhli Ramadhan bin Syamsul Hazana Ramadhan (umur 15 taun wektu mlebu klas 1 SD lan duwé lelara "idiot")

Bocah-bocah mau sekolah lan sinau ing kelas kang padha saka kelas 1 SD nganti kelas 3 SMP, lan nyebut awaké dhéwé minangka Laskar Pelangi. Ing pérangan-bagyéan pungkasan carita, anggota Laskar Pelangi tambah siji wadon kang jenengé Flo, murid pindhahan. Kaanan cumpèn kang ana ora nggawé bocah-bocah mau nglokro, nanging malah nyurung supaya bisa gawé kang luwih apik.

Laskar Pelangi minangka buku pisanan saka Tetralogi Laskar Pelangi. Buku kapindho ya iku Sang Pemimpi, buku katelu Edensor lan buku kapapat Maryamah Karpov.

Laskar Pelangi uga diadaptasi dadi siji filem. Film Laskar Pelangi diprodhuksi déning Miles Productions lan Mizan Cinema, lan digarap déning sutradara Riri Riza.

Pranala njaba[besut | besut sumber]