Labrador Retriever

Saka Wikipédia Jawa, bauwarna bébas abasa Jawa
Labrador Retriever
Segawon jinis Labrador Retriever
Julukan Lab, Labrador
Negara asal Kanada (Newfoundland)
Katrangan
Dog (Canis lupus familiaris)

Labrador Retriever Canis familiaris (utawi asring dipunsebat Labrador utawi dipuncekak LAB) inggih punika salah satunggalipun jinis segawon saking pinten-pinten jinis segawon retriever, jinis segawon pistol.[1] Karakteristik Labrador Retriever inggih punika nggadhahi cakar ingkang wonten selaputipun ingkang dipunanggé nglangi ing toya.[1] Ing Kanada, Britania Raya, lan Amérika Serikat,[2] Labrador Retriever misuwur minangka segawon ingkang prodhuktif réprodhuksinipun (wiwit taun 1991).[1] Labrador Retriever ugi dados segawon ingkang paling misuwur minangka segawon pambiyantu ing Australia, Kanada, Inggris, Amérika Serikat, lan kathah negari sanèsipun.[1] Segawon punika ugi asring dipunginakaken déning pulisi lan organisasi resmi sanèsipun.[1] Limrahipun segawon punika nggadhahi karakteristik atletis lan remen nglangi, dolanan ngejar lan mendhet dolanan.[1] Segawon punika ugi saged dipunginakaken kanggé panjagi.[1]

Leluhuripun Labrador Retriever asalipun saking Pulo Newfoundland, sapunika mlebet provinsi Newfoundland, Kanada.[3] Generasi pendhiri labrador inggih punika St. John's Water Dog.[3] Leluhuripun segawon St. John's Water Dog boten dipunmangertosi, ananging kamengkinan kalebet campuran trah segawon saking Inggris, Irlandia, lan Portugis.[3] Segawon ing Newfoundland kamengkinan asil saking paternakan segawon St. John kaliyan mastiffs ingkang dipunbekta dhateng pulo kasebat déning nelayan portugis ing abad kaping 16.[3]

Cathetan Suku[besut | besut sumber]

  1. ^ a b c d e f g (en)A Lab is dipunundhuh tanggal 10 September 2011)
  2. ^ (en)AKC Dog Registration Statistics dipunundhuh tanggal 10 September 2011)
  3. ^ a b c d (en)History of the Lab dipunundhuh tanggal 10 September 2011)

Pranala Njawi[besut | besut sumber]

(en)History of the Lab