Kota Lama Semarang
.jpg)
Kota Lama Semarang inggih punika salah satunggalipun yasan ing kitha Semarang.
Sajarahipun Kota Lama Semarang
[besut | besut sumber]Kota Lama Semarang ing mangsa pamaréntah Hindia Walanda tinepang kanthi asma OUTSTAD kasebat Little Netherland. Kawasan punika kasebat amargi kawasan Kota Lama Semarang sami kaliyan kawasan Karajan Walanda. Kota Lama Semarang dipunyasa dados pusat pamaréntah Hindia Walanda ing wewengkon Karesidenan Semarang lan sekitaripun.[1] Kawasan punika wiyaripun 31 hektar. Wonten 50 wangunan ingkang sampun dangu nanging taksih kiyat kang saged dipunkembangaken ing babagan kabudayan ékonomi lan kawasan konservasi.
Wewengkon Kota Lama Semarang
[besut | besut sumber]Ing kawasan Kota Lama punika wonten yasan ingkang sampun dangu, inggih punika:
Mercusuar dipunyasa taun 1884. Mercusuar dipunyasa kanggé biyantu mujudaken kitha Semarang dados kitha Pelabuhan déning pamaréntah kolonial kanggé ekspor gendhis. Ing abad XIX Indonésia kang taksih gadhah asma Hindia Walanda inggih punika dados no 2 ingkang ngasilaken gendhis ing donya. Wangunan mercusuar punika kados satunggal ing Jawi Tengah.
Stasiun tambak sari punika dipunyasa déning (NEDERLANDSCHE INDISCHE SPOORWEGMAATSCHARIJ) kang dipunresmekaken Gubenur Jendral MR. BARON SLOET VAN DE BEELE.
Gréja Blenduk sampun gadhah umur lakung saking 200 taun, punika dados “tetenger’’ (Landmark) ing Semarang. Dumunung ing jl. Let Jend Suprapto no 32. Dipunparingi asma Gréja Blenduk amargi gadhah menara 2 lan kubah. Arsitek wangunan inggih punika HPA DE WILDE lan WWESTMAS. Gréja punika gadhah peran kanggé pangembangan agami Kristen.
- Lan Sapanunggalipun.[2]
Cathetan suku
[besut | besut sumber]- ↑ arsitek.bramantya.org[pranala mati permanèn](dipuntingali tanggal 20 Agustus 2011)
- ↑ info.indotoplist.com[pranala mati permanèn](dipuntingali tanggal 20 Agustus 2011)
| Artikel iki minangka artikel rintisan. Kowé bisa ngéwangi Wikipédia ngembangaké. |