Kkoktugakshi Nori

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Kkoktugakshi Nori

Kkoktugakshi Nori utawa Kkoktugakshi Noreum ya iku pementasan bonékah tradhisional saka Koréa kang asalé saka abad ke-18.[1] Pementasan bonékah tradhisional uga dikenal kanti aran Deolmi, Bakcheomji Nori utawa Hongdongji Nori. Wiwitane kesenian iki dimaenake déning golongan panglipur kliling Sadangpae utawa Namsadang.[2] Namsadangpae ya iku golongan panglipur kang lelana lan nglipur masarakat.[2]

Dolanan bonékah kang digelar paling pungkasan déning Sadangpae sawisé pagelaran liyané kaya ta dolanan musik (pungmul nori), adegan akrobat, aksi mlaku ing dhuwur tali (jultagi), lan drama topeng.[1] Lakon dolanan Kkoktugakshi ana pirang-pirang episode lan saben pérangan ora padha gegayutan.[1] Tokoh sentral kang metu ing sekabehing episode ya iku Bak Cheomji.[1] Dhèwèké dadi narator lan nyritakake ngenani panguripane.[1]

Dolanan bonékah iki dimaenake ing sawijining panggung menga kang diarani pojang.[1] Ing dhuwure bonek-bonékah padha obah lan maenake carita.[1] Pemain bonékah utama (taejabi) ana ing mburi tirai direwangi déning wong loro liyané.[1] Pengisi swara bonékah diaranisanbaji lan juru main musik diarani chaebi.[1] Padhatan tema carita-carita kang dimaenake padha karo lakon jogèd topeng (talchum) ing antarané carita ngenani biksu murtad, masalah poligami, kaum bangsawan kang srakah lan rakyat jelata kang mlarat.[1]

Cathetan suku[besut | besut sumber]

  1. a b c d e f g h i j Lee, Mee-won (1997). "The Roots and Transmission of Korean Performing Arts" (PDF). Koreana 16: 20-21.  Paramèter |month= sing ora kawruhan dikiwakaké (pitulung)
  2. a b Anseong Namsadang Nori, visitkorea. Diundhuh tanggal 29 Mèi 2010.