Kalak lawé

Saka Wikipédia Jawa, bauwarna mardika basa Jawa
Menyang navigasi Menyang panggolèkan
Woh kalak lawé kang durung mateng

Kalak lawé (Xylopia Curtisii utawa Cyathocalyx sumatranus) ya iku salah sawijining wit-witan saka kulawarga Annonaceae. Wit iki dhuwuré bisa nganti 30 mèter lan dhiamèter galihé 70 sèntimèter. Galihé lurus lan wernané klawu ana bercak soklat tur nyerat. Godhong tunggal bentuké lansét lacip lan lunyu. Kembangé solitér werna kuning kaijonan lan arum gandané. Wohé werna ijo nalika mentah lan soklat enom nalika mateng. Woh iki kulité atos.

Biologi lan Ékologi[besut | besut sumber]

Kalak Lawé tuwuh kanthi wiji. Wiji iki thukul ing lemah dhuwuré luwih saka 100-450 méter ing sadhuwuring samodra. wit iki bisa ditemokaké ing alas primèr lan pundhung kapur. Panyebaran wiji umumé nganggo mili banyu. Wit iki tuwuh ing Semenanjung Malaka, Jawa, Kalimantan, Sulawési lan Nusa wetan kidul.[1]

Piguna[besut | besut sumber]

Kembang kalak lawé sing lagi mekrok

Kayu saka wit Kalak lawé iki digunakaké kanggo gawé prabotan omah, piranti gawé wangunan lan kayu obong.

Rujukan[besut | besut sumber]

  1. Partomihardjo, Tukirin dkk. (2014). Jenis-Jenis Pohon Penting di Hutan Nusakambangan. Jakarta: LIPI Press bersama dengan Yayasan Obor Indonesia. p. 45. ISBN 978-979-799-804-2.