Kagami biraki

Saka Wikipédia Jawa, bauwarna bébas abasa Jawa
Tong sake kagem kagami biraki

Kagami biraki (鏡開き?) utawi kagami wari (鏡割り?) inggih punika upacara tradisional mandhapaken lan dhahar kagami mochi ingkang dados sajèn taun énggal ing Jepang kagem arwah utawi dewa taun ing Jepang Upacara punika dipunwontenaken minangka lambang atur panuwun dhumateng para dewa. Kagami mochi dipundhahar mawi pengajeng-ajeng kasingkir saking penyakit lan dipunparingi kasarasan [1].

Asal usul[besut | besut sumber]

Kulawarga samurai gadhah tradisi majang yoroi (klambizirah) kagem nyambut taun énggal. Mochi ingkang dados sajen kagem yoroi dipunsebat gusoku mochi (具足餅?). Bibar taun énggal kapungkasan (dinten kaping 20 taun enggal), mochi dipungodhog minangka zōni kanggé ngrayakaken Hatsuka (刃柄?). Mochi kagem sajen dipunparingaken wonten ing nginggilipun papan pengilon (kyōdai, 鏡台) saengga dipunwastani kagami mochi (arti harfiah: mochi cermin). Hatsugao (初顔?) punika sebatan kagem upacara mandhapaken lan mecah mochi sajèn dipunlampahi déning tiyang èstri. Saking kulawarga samurai, tradisi dhahar kagami mochi dados wiyar dhateng kalangan masarakat biasa.

Angin ing musim adhem damel kagami mochi ingkang dipunpajang minangka sajèn dados atos. Nugel mochi mawi barang ingkang landhep dipunasosiasi kalihan seppuku, Awit saking punika, kagami mochi dipunpecah ngginakaken tangan utawi pukul kayu. Kagami (pengilon) punika dados lambang hubungan ingkang saé lan harmonis saéngga kagami bitaki ngandhut teges miyaraken hubungan saé. Dhahar panganan ingkang atos kados mochi punika dipunpitadosi saged damel waja langkung kuwat. Pungkasan tiyang ingkang gadhah waja ingkang waras lan kuwat umuripun ugi dhawa.

Tanggal perayaan[besut | besut sumber]

Miturut tradisi, upacara punika dipunwontenaken nalika tanggal 11 wulan 1 (11 Januari)[2] Bibar sajen kagem dewa taun (toshigami) dipunmandhapaken minangka tandha kapungkasan periode Matsu no Uchi (7 Januari). Sadèrèngipun, upacara punika dipunwontenaken nalika tanggal 20 wulan 1 kalender lama bibar kapungkasan periode Matsu no Uchi ing taun énggal alit (koshōgatsu) tanggal 15 wulan 1 kalender lawas. Tanggal 20 wulan 1 dados dinten sial lan boten dados dinten upacara kagami biraki bibar sedanipun Tokugawa Iemitsu nalika zaman Keian tanggal 20 wulan 4 kalender lawas (taun 1651 kalender Gregorius). Pengetan dinten sedanipun dipulampahi saben wulan ing tanggal 20. Awit saking punika, tanggal perayaan upacara kagami biraki dipunpindhah dados tanggal 11 wulan 1 (kalender lawas) bibar kapungkasan periode Matsu no Uchi. Dipunpindhah dinten kagami biraki dados tanggal 11 wulan 11 ksaged ugi amargi sareng kalihan upacara kurabiraki (蔵開き?) ingkang dipunlampahi déning kulawarga pengusaha utawi ingkang kagungan bisnis. Kurabiraki (arti harfiah: mbikak gudang) punika perayaan mbikak gudang kapisan nalika hari beruntung nalika wiwitan taun énggal (tanggal 11 wulan 1).

Pirsani ugi[besut | besut sumber]

Cathetan suku[besut | besut sumber]

  1. ^ (en) Kagami Biraki, (dipunakses tanggal 13 Februari 2013)
  2. ^ (id) Minuman Jepang, (dipunakses tanggal 13 Februari 2013)

Pranala njawi[besut | besut sumber]

Sumber artikel punika saking kaca situs web: "https://jv.wikipedia.org/w/index.php?title=Kagami_biraki&oldid=982124"