Junior Rorimpandey
| Juna Rorimpandey | |
|---|---|
| Lair | Junior John Rorimpandey Juli 20, 1975 Manado, Sulawesi Utara, Indonesia |
| Bangsa | Indonesia |
| Jeneng liya | Chef Juna |
| Pakaryan | Juru masak, Koki |
Junior John Rorimpandey utawa kawentar kanthi nama Chef Juna ya iku juru masak kang lair ing Manado, 20 Juli 1975.[1] Chef Juna iku juru masak spesialis masakan Jepang lan Prancis.[1] Bebrayan agung ing Indonesia dadi tepung karo Juna Rorimpandey jalaran dhèwèké dadi salah sijining juri ing acara lomba masak, Master Chef Indonesia. Saiki dhèwèké dadi juri wonten acara Hell's Kitchen Indonesia. [1][2]
Karier
[besut | besut sumber]Lelakoning urip Juna Rorimpandey iku meh padha karo Farah Quinn.[2] Kekarone padha-padha ora duwé dhasar masak lan sinau masak kanthi cara informal. Pakaryan dadi juru masak (koki) ora sengaja dilakoni déning Juna Rorimpandey. Wiwitane dhèwèké mung dadi babu ing restoran sushi jalaran kudu nguripi awake dhéwé nalika kuliah ing Amérika. Sawetara anggoné nyambut gawé ing kono, Master sushi restoran iku nawani Juna Rorimpandey supaya merguru marang dhèwèké. Juna Rorimpandey digembleng tenanan. Kaprigelan lan katrampilan anggoné olah-olah ndadèkaké juragan sing nduwé restoran kesengsem banjur mromosekake Juna supaya bisa éntuk permanent resident.[1] Taun 2002, dhèwèké nggenteni sushi master restoran minangka head chef (kepala juru masak). Taun 2003, Juna Rorimpandey pindah menyang restoran sushi nomer 1 ing Houston ya iku Uptown Sushi lan dadi Executive Chef Sawisé bosen karo masakan Jepang, Juna pindah ing restoran Prancis ya iku The French Laundry. Restoran iki ditepungi minangka restoran kang ngukuhaké standar dhuwur. Taun 2010, Chef Juna miwiti nyekel restoran Jackrabbit Cuisine & Libations minangka Executive Chef Jackrabbit Cuisine & Libations.[2]
Cathetan suku
[besut | besut sumber]- ↑ a b c d Profil Chef Juna (Dipuntingali 26 Juli 2011)
- ↑ a b c Chef Juna Rorimpandey : Master Chef – Juna – Indonesia Archived 2011-08-05 at the Wayback Machine. (Dipuntingali 26 Juli 2011)
| Artikel iki minangka artikel rintisan. Kowé bisa ngéwangi Wikipédia ngembangaké. |