Farah Quinn

Saka Wikipédia Jawa, bauwarna mardika basa Jawa
Farah Fauzan Quinn
BojoCarson Quinn

Farah Fauzan Quinn (lair ing Bandung, 8 April 1980; umur 43 taun) ya iku model, koki lan selebritis Indonésia, Farah Quinn, utawa sok uga diundhang karo jeneng Sexy Chef.[1] Dhèwèké iku pambawa acara ning acara Ala Chef ning salah sawijining televisi swasta.[1]

Awit cilik, Farah wis seneng babagan masak.[1] Dhèwèké kan lair ning Bandung, awit cilik nalika esih manggon ning Sumatera dhèwèké kerap mbantu ibuné ning pawon.[1] Karemenan Farah marang dunya masak iki, nggawé dhèwèké duwé pepenginan sinau babagan masak nganti taraf internasional.[1] Dhèwèké sempet nyambut gawé ning Lydia’s Pittsburgh, restoran Italia kang kondhang ning laladan Pittsburgh, Pennsylvania.[1] Sawisé iku, dhèwèké nerusaké pandidikan ning Pittsburgh Culinary Institute lan fokus ning babagan pastry.[1]

Sawisé nyinaoni babagan ngèlmu-ngèlmu masak ning nagara njaba, ibu kang wus duwé anak siji iki bakal bali menyang Indonésia lan duwé niyat kanggi mubeng-mebengi tlatah nusantara kanggo ngasah kreatifitasé babagan masak ala dhèwèké dhéwé.[1]

Ning taun 2005, bebarengan karo bojoné dhèwèké yasa restoran kang dijenengi Camus ning tlatah Phoenix, Arizona, Amérikah Sarékat.[1] Malah dingerteni, manawa restoran kang dibangun déning Farah lan bojoné mau kagolong restoran kang wus dicap restoran bintang papat.[1]

Farah Quinn, dijuluki 'Seksi Chef', jejuluk mau dadi bonus kanggo dhèwèké kang dadi kaki masak.[2] Dhèwèké seneng manawa dijuluki kaya mangkono.[2] Kanggo njaga awaké, Farah Quinn mbiasakaké mangan panganan kang séhat, lan diimbangi karo ulah raga kang teratur.[2] Lan njaga aboté kang ideal kang para kaum hawa, 50 kilo.[2] Dhèwèké ngusahakaké kanggo tampil ayu kanthi cara kang séhat lan gampang, kaya ta mangan panganan kang séhat lan ulah raga nggal dinané.[2]

Cathetan suku[besut | besut sumber]

  1. a b c d e f g h i j biografi Farah Quinn dipununduh tanggal 15 Juli 2011
  2. a b c d e Farah Quinn: Bonus Disebut Seksi Chef dipununduh tanggal 15 Juli 2011