John Rawls

Saka Wikipédia Jawa, bauwarna mardika basa Jawa
John Rawls
Lair(1921-02-21)21 Fèbruari 1921
PatiNovèmber 24, 2002(2002-11-24) (umur 81)
Lexington, Massachusetts, Amérika Sarékat.
KalaFilsuf abad ke-20
AliranFilsafat analitik
Karsa pokok
Filsafat pulitik, Liberalisme, Keadilan, Pulitik, Téyori kontrak sosial
Gantha misuwur
Justice as Fairness
Original position
Reflective equilibrium
Overlapping consensus
Public reason
Netralitas liberal
Selubung kebodohan

John Rawls (miyos tanggal 21 Fèbruari 1921 wonten ing Baltimore, Maryland, Amérika Sarékat) inggih punika filsuf saking Amérika Sarékat ingkang misuwur nalika abad kaping 20 wonten ing babagan filsafat pulitik.[1] Bukunipun ingkang judhul "Téyori Babagan Kaadilan" (wonten ing basa Inggris A Theory of Justice) minangka salah satunggaling teks primer wonten ing filsafat pulitik.[1] Rawls sinau wonten ing Universitas Princeton, sarta ngajar wonten ing Universitas Cornell lan Universitas Harvard.[2]

Pamikiran[besut | besut sumber]

John Rawls kondhang minangka satunggaling filsuf ingkang saèstu maringi kritik ékonomi pasar bébas.[3] Tumrap pribadinipun pasar bébas maringi kabebasan tumraping sadaya tiyang, nanging kanthi wontenipun pasar bébas saged ndadosaken kaadilan awrat dipuntengenaken.[3] Adhedhasar punika, piyambakipun ngembangaken sawijining téyori ingkang dipunsebut téyori keadilan.[3] Miturut Rawls, prinsip paling dhasar saking kaadilan inggih punika bilih saben tiyang gadhah hak ingkang sami saking posisi-posisi ingkang limrah.[4] Amargi punika, sipados keadilan saged karengkuh saéngga struktur konstitusi pulitik, ékonomi, lan peraturan babagan hak milik kedah sami tumraping sadaya tiyang.[1] Kahan kados makaten dipunsebut "kabut boten mangertosan" (veil of ignorance), ing pundi saben tiyang kedah ngentunaken atribut-atribut ingkang mbedakaken kaliya tiyang-tiyang sanès, kados ta kemampuan, kasugihan, posisi sosial, pandangan religius lan filosofis, èwadènè konsepsi babagan aji.[1] Kanggè ngukuhaken kaanan adil mau prelu wontenipun jaminan tumraping sajumlah hak dhasar ingkang "berlaku" kanggé sadaya, kados ta kebebasan kanggé suka pamanggih, kebebasan pikir, kebebasan berserikat, kebebasan pulitik, lan kebebasan ing mata hukum.[1] Wonten dhasaripun, téyori keadilan Rawls meh ngatasi 2 bab, inggih punika utilitarianisme lan mungkasaken kontroversi babagan dilema antawisipunliberty (kamardikan) lan equality (kesamaan) ingkang sadangu punika dipunanggep boten mungkin nyawiji.[5] Rawls kanthi eksplisit memposisikaken téyorinipun kanggé ngadhepi utilitarianisme, ingkang wiwit pertengahan abad 19 ndominasi pamikiran moralitaspulitik normatif liberalisme.[5]

Karya Wigati[besut | besut sumber]

Rikala taun 1971, John Rawls nerbitaken sawijining buku kanthi judhul A Theory of Justice (Téyori Keadilan).[5] Pamanggih wonten ing buku punika inggih dipunkemasipun sawijining konsèp ingkang déning Rawls dipunsebut minangka konsèp justice as fairness (keadilan minangka sawijining kejujuran).[5] Miturut Robert Nozick, A Theory of Justice inggih punika sawijining karya filsafat pulitik lan filsafat moral ingkang kiyat, lebet, subtil, wiyar, sistematik, ingkang boten naté katingal wonten ing karya-karya filsuf Jerman sanèsipun.[5]. Sasampunipun buku A Theory of Justice dipunterbitaken, saéngga wonten buku énggal malih karangan Rawls ingkang gadhah judhul Political Liberalism (Liberalisme Pulitik).[5] Buku punika minangka buku panduan kanggé ngandharaken pemikiran babagan justice as fairness.[5]

Cathetan suku[besut | besut sumber]

  1. a b c d e Samuel Freeman. 1999. "Rawls, John". In The Cambridge Dictionary of Philosophy. Robert Audi, ed. 774. London: Cambridge University Press.
  2. Ted Honderich, ed. 1995. The Oxford Companion to Philosophy. New York: Oxford University Press. P. 745.
  3. a b c A. Sonny Keraf. 2005. Etika Bisnis. Yogyakarta: Kanisius. Hal.153.
  4. Christoph Stuekelberger. 1998. Lingkungan dan Pembangunan.Yogyakarta: Duta Wacana University Press. Hal. 81.
  5. a b c d e f g Bur Rasuanto. 2005. Keadilan Sosial: Pandangan Deontologis Rawls dan Habermas. Jakarta: Gramedia Pustaka Utama. Hal. 25,


Cithakan:Filsuf-stub