Jean Alesi

Saka Wikipédia Jawa, bauwarna mardika basa Jawa
Jean Alesi
Lair (1964-06-11) 11 Juni 1964 (umur 59)
Sejarah karier dalam ajang Formula Satu
Kewarganegaraan Prancis
Taun aktifCithakan:F1Cithakan:F1
TimTyrrell, Ferrari, Benetton, Sauber, Prost, Jordan
Jumlah lomba202 (201 start)
Juara dunya0
Menang1
Podium32
Total poin241
Posisi pole2
Lap tercepat4
Balapan KapisananGrand Prix Prancis 1989
Menang KapisananGrand Prix Kanada 1995
Menang PungkasanGrand Prix Kanada 1995
Balapan PungkasanGrand Prix Jepang 2001

Jean Alesi (lair ing Avignon, 11 Juni 1964; umur 59 taun) inggih punika satunggaling mantan pembalap Formula 1 asal Perancis. Wekdal punika piyambakipun mandhap wonten ing ajang DTM lan SpeedCar Series. Posisi paling apik Alesi sadanguning wonten ing Formula 1 inggih punika nalika piyambakipun mapan ing posisi angka 4 klasemèn pembalap wonten ing mangsa 1996-1997.[1]

Profil[besut | besut sumber]

Alesi sampun nindakaken start balapan F1 cacahipun kaping 201 wonten ing kurun wekdal 1989-2001. Ingkang unik, éwadéné piyambakipun mandhap langkung saking kaping 200 balapan. Piyambakipun dèrèng naté mlebet kandidat juara donya. Mekaten ugi dumugi ing pungkasaning karièripun wonten ing F1, Alesi nampung saged menang satunggal balapan kémawon, inggih punika wonten ing Kanada 1995. Punika ugi langkung amargi kabegjan, amargi Michael Schumacher ingkang nalika punika saweg mimpin balapan, ngalami prakawis transmisi wonten ing lap ingkang pungkasan.

Alesi miwiti karièr wonten ing tim Tyrell rikala mangsa 1989. Wonten ing GP AS ingkang nalika punika dipunadani wonten ing sirkuit jalanan Phoenix, Alesi naté dados bintang nalika piyambakipun unggul lan nglawan Ayrton Senna. Alesi lajeng tetep wonten ing tim Tyrell kanggé 2 mangsa balapan.[2]

Wonten ing pungkasan taun 1990, sajatosipun, piyambakipun sampun gadhah kontrak kaliyan tim Williams. Anangin ujug-ujug piyambakipun mbatalaken lan langkung milih saperlu kagabung kaliyan tim Ferrari. Kados ingkang sami dipunmangertos, Williams wonten ing wiwitan taun 1990-an minangka raja F1, déné Ferrari nalika punika saweg ancur-lebur. Nanging punika ingkang nama Alesi, piyambakipun langkung milih saperlu ndhèrèk impian nalika alitipun: dados pembalap tim jaran jingkrak.

Pilihanipun milih Ferrari kasunyatan panci lepat. sapérangan tiyang pitados piyambakipun saged dados juara donya manawi kagabung kaliyan tim Williams. Sadanguning wonten ing Ferrari wiwit taun 1991-1995, Alesi namung saged pikantuk satunggal kamenangan kémawon.[3]

Nalika taun 1996 piyambakipun pindhah dhateng tim Benetton sadanguning 2 mangsa. Momen unik kadadosan wonten ing GP Australia 1997 nalika piyambakipun kesupèn mlebet pit kanggé ngisi bènsin. Alhasil, mobilipun mogok amargi bènsinipun telas.

Wonten ing taun 1998 piyambakipun kagabung kaliyan tim Sauber sadanguning 2 mangsa sadèrèngipun wonten ing mangsa 2000 piyambakipun kagabung wonten ing tim Prost. Lan wonten ing pungkasaning 2001 piyambakipun pènsiun saking Formula 1 sasampuning kagabung kaliyan tim Jordan wonten ing pertengahan mangsa lajeng piyambakipun pindhah dhateng ajang DTM kanthi gabung kaliyan tim AMG Mercedes-Benz wonten ing mangsa 2002.[4]

Alesi lajeng mandhap ugi wonten ing ajang SpeedCar Series lan naté dados penantang gelar juara sadèrèng pungkasanipun kawon déning kancanipun piyambak wonten ing F1 rumiyin, Johnny Herbert.

Statistik Formula 1[besut | besut sumber]

  • Debut: GP Prancis 1989
  • Start: 201
  • Poin: 240
  • Menang: 1
  • Pole: 2
  • Fastest lap: 4

Lelampahan karèir F1[besut | besut sumber]

  • 1989-90 – Tyrell-Ford
  • 1991-95 – Ferrari
  • 1996-97 – Benetton-Renault
  • 1998-99 – Sauber-Petronas
  • 2000-01 – Prost Grand Prix
  • 2001 – Jordan-Honda (wiwiy pertengahan mangsa 2001)

Cathetan suku[besut | besut sumber]

  1. "Archive copy". Diarsip saka sing asli ing 2004-08-25. Dibukak ing 2013-03-18.{{cite web}}: CS1 maint: archived copy as title (link)
  2. http://www.grandprix.com/gpe/drv-alejea.html
  3. http://racing-reference.info/drivdet/alesije01/1995/F
  4. http://www.bola.net/otomotif/gagal-di-indy-500-jean-alesi-pensiun-dari-motorsport-a1cb3f.html

Pranala njaba[besut | besut sumber]

Cithakan:Autosport International Racing Driver Award


Cithakan:F1-bio-stub