Jalangkoté

Saka Wikipédia Jawa, bauwarna mardika basa Jawa
Menyang navigasi Menyang panggolèkan
Jalangkoté
Jalangkote.jpg
Praupané jalangkoté
JinisGorèngan
AjanganNyamikan
Panggonan asalIndonésia
Tlatah utawa prajaMakassar
Hawa ajanganAnget
VariasiGlepung, Mihun, Wortel, Bumbon
Katerangan liyanéDipangan karo saos
Buku masakan: Jalangkoté  Médhia: Jalangkoté

Jalangkoté iku panganan saka Makassar kang wujudé sairib pastèl. Pastèl pakulitané luwih kandel tinimbang jalangkoté. Yèn pastèl pinangan nganggo mrica cayénné, jalangkoté pinangan nganggo duduh camboraning saos, cuka, lan lombok. Jalangkoté ngemu wortel, kenthang, thokolan, laksa, irisan endhog godhog mawa bumbu brambang, bawang, lan mrica. Pakulitaning jalangkoté kagawe saka glepung, endhog, santen, mertéga, lan uyah.

Cara nggawé[besut | besut sumber]

Piranti[besut | besut sumber]

Kulit[besut | besut sumber]
  • Glepung gandum 500 gr
  • Mertèga 4 séndhok pangan
  • Uyah 1 séndhok tèh
  • Lenga gorèng 2 séndhok pangan
  • Banyu putih 150 ml
Isèn-isèn[besut | besut sumber]
  • Iwak pitik 200 gr
  • Endhog godhog 4
  • Kenthang 150 gr
  • Wortel 150 gr
  • Thokolan 100 gr
  • Soun 50 gr
  • Godhong brambang 2 lonjor
  • Bawang 5 wiji
  • Brambang 7 wiji
  • Uyah 1 séndhok tèh
  • Gula 1 séndhok pangan
  • Mrica bobuk ½ séndhok tèh
  • Pala bubuk ½ séndhok tèh
  • Banyu mateng 50 ml
  • Lenga gorèng 3 séndhok pangan
Saos[besut | besut sumber]
  • Bawang 6 wiji
  • Brambang 8 wiji
  • Lombok abang 10 wiji
  • Lombok jemprit 5 wiji
  • Peresan jeruk ½ séndhok tèh
  • Uyah 1 séndhok tèh
  • Banyu putih 500 ml

Cara masak[besut | besut sumber]

  1. Campur piranti kanggo kulit lan ulèni nganti kalis.
  2. Pipihaké kulit lan iris kanthi bentuk bunder kira-kira 10 cm ambané.
  3. Panasaké minyak lan campur kabèh piranti isèn-isèn nganthi arum ambuné.
  4. Jupuk 1 lembar kulit jalangkoté banjur tambahaké 2 séndhok pangan isèn-isèn.
  5. Tutup kulit nganggo putih endhog lan buntel kaya déné pastèl.
  6. Uleg piranti saos nganti lembut.
  7. Panasaké wajan lan osèng piranti saos nganti kenthel banjur dièntas.
  8. Panasaké wajan lan wènèhi minyak sing akèh lan tunggu nganti panas.
  9. Cemplungaké jalangkotè ing minyak panas.
  10. Menawa wernané wis kuning kacoklatan, gagé dientas.
  11. Wènèhaké ing piring sajèn karo saos jalangkotè.
  12. Pangan nalika isih anget.

Deleng uga[besut | besut sumber]

Vidéyo masak jalangkoté

Resèp masak jalangkoté