Jagrag

Saka Wikipédia, bauwarna bébas basa Jawa
standar mburi

Jagrag utawa disebut standar, utawa jagangan ya iku piranti tumrap pit utawa pit montor kanggo njaga supaya ora rubuh nalikane ora disendhekake marang barang liya utawa dicekel déning manungsa. Piranti iki ditemokake déning Joseph Paul Treen, ramane mantan gubenur Louisiana, Amérika, Dave Treen. Jagrag biasané kagawé saka wesi utawa waja dipasang ana ing ragangan lan biasané bisa ditekuk, bisa napak ing lemah nalika ora dianggo. Biasane kapasang sing sisih tengah utawa mburi pit utawa pit montor, senajan uga ana sing dipasang ing rodha ngarep.

Jinis jagrag pit utawa jagrag pit montor anatara liya: jagrag miring sing dipasang sasisih, lan jagrag jejeg sing dipasang ing ngisor supaya pit bisa madeg jejeg lan rodhané bisa mubeng.

Galeri[besut | besut sumber]

Sumber artikel punika saking kaca situs web: "https://jv.wikipedia.org/w/index.php?title=Jagrag&oldid=988074"