Izumo Taisha

Izumo Taisha (出雲大社, Izumo Taisha^? Kuil Agung Izumo) inggih punika kuil Shinto ingkang mapan wonten ing kutha Izumo, Prefektur Shimane, Jepang. Nama resmi kuil punika Izumo Ōyashiro. Kuil mau mulyakaken Ookuninushi ingkang kawéntar minangka Kami iketan tresna lan perkawinan ^[1]. Ing Jepang, wulan kaping 10 kalender lunisolar dipunwastani Kannazuki utawi Kaminashizuki (wulan boten wonten déwa), nanging wonten ing Izumo dipunwastani Kamiarizuki (wulan wonten déwa). Alesanipun wonten ing wulan mau ing kuil Izumo nglampahi pepanggihan 8 juta déwa ingkang makempal saking Jepang. Pepanggihan punika dipunsebut Kamiari Matsuri lan kelampahan saking dinten kaping 11 dumugi dinten kaping 17 wulan 10 kalender lunisolar.

Sajarah

Ing mitologi Jepang wonten cariyos babagan Ookuninushi ingkang nyuwun marang Amatsukami supados dipundamelaken astana ingkang sami agengipun kaliyan astana ingkang dinggèni sadaya anak putu Amatsukami. Pambangunan astana kalebet kompensasi awit kuniyuzuri (penyerahan wewengkon) ingkang dipunlampahi Ookuninushi dhumateng Amatsukami.Wangunan astana ingkang sampun rampung punika dados cikal bakaling Izumo Taisha. Wonten ing jaman kuna, kuil punika dipunwastani Kizuki Taisha lan nembé dipunwastani Izumo Taisha swiwit saking taun 1871. Ing sajeroning kitab Engishiki jinmyō-chō, nama kuil punika dipunserat sinandhingan kaliyan kuil-kuil kawéntar sanèsipun minangka "Izumo no kuni izumo-gun kizuki taisha" (kuil agung Kizuki, dhistrik Izumo, Provinsi Izumo).

Wangunan

Kuil utami

Nalika jaman kuna, dhuwuripun yasan kuil utami (honden) kirang langkung 96 mèter. Déné wonten ing abad tengahan dhuwuripun 48 mèter. Kuil utami ingkang wonten sapunika dhuwuripun namung 24 mèter, nanging punika sampun kalebet inggil sanget kanggé yasan kuil Shinto. Adhedhasar tradisi lesan, yasan kuil utami kinten-kinten bangunanipun madep langit kanthi dipunsangga cagak pancang dhuwur saking lumah Perkiraan punika dipundamel dhedhasar wontenipun kalih yasan kanthi skala ageng ingkang dipunyasa wonten ing periode ingkang sami, inggih punika Daibutsu-den ingTōdai-ji, Nara (miturut tradisi lesan dhuwuripun 45 mèter) lan Daigokuden ing Heiankyō ingkang kabaripun langkung alit. Wonten ing buku piwulangan ing jaman Nara ingkang dipunsebut Kuchizusami wonten geguritan (uta) ingkang mulangaken tetandingan ukuran ing piwulangan ngetung. Urutan kawiwitsan saking ukuran paling ageng dumugi ingkang langkung alit:: unta (雲太, unta^? Izumo Taisha), wani (和二, wani^? Tōdai-ji), lan kyōsan (京三, kyōsan^? Daigokuden) ^[2].

Nalika taun 2000, penggalian arkéologi ing ngandhaping yasan mau kasil manggihaken magatama (manik-manik), lan tigang lèr cagak kayu ingkang dipuntalèni dados satunggal kanthi diameter saben cagak 1,4 mèter. Pepanggihan tiyang kayu punika narik kawigatosan amargi wiwitanipun kinten-kinten naté kaginakaken wonten pembangunan kuil utami ing jaman kuna, nanging saking kasiling analisis kadar toya nedahaken bilih kayu punika asalipun saking taun 1248.