Indon

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Pangginaan tembung Indon. ing medhia Indonésia ing taun 1963.

Indon inggih punika satunggalipun tetembungan ingkang ngarujuk dhateng nagari lan masarakat Indonésia ingkang misuwur dipun-ginakaken ing Malaysia lan Singapura.[1] Ing Indonésia piyambak, tetembungan punika gadhah konotasi ingkang awon lan dipunanggep minangka inaan utawi ngenyèk.[1] Pamaréntah lan masarakat Indonésia boten sarujuk kaliyan pangginaan tetembungan Indon punika amargi dipunanggep ngina.[1] Kadutaan Ageng Républik Indonésia ing Kuala Lumpur sampun makaping kaping ngirim surat protés dhateng médhia ing Malaysia ingkang tetep ngginakaken tetembungan punika sanajan sampun pirsa manawi gadhah konotasi ingkang awon.[1]

Amargi sabab punika, Pamaréntah Indonésia ingkang dipunwakili déning Sekretaris I Penerangan & Humas KBRI Eka A. Suripto njléntrehaken bilih Indonésia sampun ngaturaken protés resmi dhateng duta Malaysia ing Indonésia ing tanggal 13 Mèi 2007.[2] Pamarentah Malaysia lajeng mendhet kaputusan kanthi ngedalaken larangan resmi ngginakaken tetembungan punika déning Kamentrian Panerangan Malaysia, nalika 24 Mèi 2007.[2],[3]

Maggie Mi Malaysia ngginakaken tembung Indon wonten ing prodhuk mi instanipun lan babagan punika sampun nyababaken protés saking Indonésia.[4] Miturut survei Nestle (Malaysia), tembung "indon" misuwur sanget sarta kalebet babagan ingkang positif lan poténsial kanggé pamasaran dhateng génerasi eném yuswa 15-24 taun lan 25-29 taun.[4]

Pranala njawi[besut | besut sumber]

Cathetan suku[besut | besut sumber]

  1. a b c d KBRI Kuala Lumpur Berang Disebut “Indon” dipunundhuh tanggal 22 Agustus 2011)
  2. a b RI Protes Malaysia Soal Indon dipunundhuh tanggal 22 Agustus 2011)
  3. (ing basa Malayu) UMNO Minta Rakyat dan Media Massa Hentikan Panggilan "Indon".
  4. a b Mi Instan Indon Menuai Protes dipunundhuh tanggal 22 Agustus 2011)


Cithakan:Hubungan Indonésia déning Malaysia