Hendra Cipta
Hendra Cipta (miyos ing Yogyakarta, 2 Oktober 1947) inggih punika salah satunggalipun aktor sénior ingkang namanipun dados misuwur kanthi filem Mèi Lan, Aku Cinta Padamu, panjenenganipun naté dados bintang filem sareng Eva Devi ing taun 1974 kanthi sutradara Pitrajaya Burnama.[1] Panjenenganipun sampun makaping kaping main filem, ing antawisipun inggih punika fil Mistery in Hongkong (1974), Butet (1974), Dikejar Dosa (1974), Selalu di Hatiku (1975), Bungalow di Pèrèng Bukit (1976), Ganasnya Nafsu (1976), Liku-liku Panasnya Cinta (1976), Napsu Serakah (1977), Guna-guna Istri Muda (1977), Tiga Cowok Bloon (1977), Mat Pelor (1990), Nyi Lamped (1990), Dari Pintu ke Pintu (1991), Bujang Jehilin (1991), Makluk dari Kubur (1991), lan sanès-sanèsipun.[2]
Hendra Cipta punika lulusan Akademi Seni Drama lan Film (Asdafi) lan saking Fakultas Ékonomi Universitas Gadjah Mada (nanging piyambakipun boten rampung).[3] Panjenenganipun terjun dhateng jagad filem ingkang sepisanan nalika taksih kuliyah ing Asdafi wonten ing filem Pangeran Diponegoro Pahlawan Gua Selarong (1972), lan salajengipun ing filem Perawan Désa (1978). Panjenenganipun lajeng ugi main sinétron, ing antawisipun inggih punika ing filem Tuan Demang, Kaca Benggala (1995), Tutur Tinular, Abad 21 (1996), lan sanès-sanèsipun.[3] Panjenenganipun sampun tilar donya tanggal 24 September 2011 amargi nandhang sakit kanker.[1]
Cathetan suku[besut | besut sumber]
- ↑ a b Hendra Cipta dipunundhuh tanggal 27 September 2011)
- ↑ Hendra Cipta Meninggal Dunia Archived 2011-09-27 at the Wayback Machine. dipunundhuh tanggal 27 September 2011)
- ↑ a b Hendra Cipta Archived 2011-02-13 at the Wayback Machine. dipunundhuh tanggal 27 September 2011)
Pranala njawi[besut | besut sumber]
- Hendra Cipta
- Hendra Cipta Archived 2011-02-13 at the Wayback Machine.
| Artikel iki minangka artikel rintisan. Kowé bisa ngéwangi Wikipédia ngembangaké. |